સૌપ્રથમ ચોખાને બેથી ત્રણ વખત ધોઈ પાંચ-સાત મિનિટ પલાળી ઘી તેમજ નમક નાખી છૂટા જ રાંધવા. ભાત તૈયાર થયા બાદ ચારણી માં ઓસાવી લેવા. 1-2 કલાક ઠંડા થવા દેવા.

1 કડાઈમાં ઘી/તેલ મૂકી તેમાં જીરું, તજપતા, લવિંગ, બાદીયાના ફૂલ ઉમેરી આદું લસણની પેસ્ટ ઉમેરી ડુંગળી સાંતળો. હવે તેમાં ટામેટા ઉમેરી હલાવી લો. ત્યારબાદ તેમાં બધા જ વેજીટેબલ્સ ઉમેરી હલાવી લો અને દરેક મસાલા ઉમેરો, જરૂરિયાત મુજબ નિમક ઉમેરી હલાવી તેને 1-2 મિનિટ ઢાંકીનેરહેવા દો. હવે તેમાં રાંધેલા ભાત ઉમેરી બરાબર મિક્સ કરો કે જેથી વેજીટેબલ પુલાવમાં બરાબર મિક્સ થઈ જાય અને તેને 1-2 મિનિટ ઢાંકી રહેવા દો.

તૈયાર થયેલ પુલાવ ને જો મોલ્ડ કરવો હોય તો એક મોટા બાઉલમાં બધો પુલાવ પ્રેસ કરી ભરી દો. સર્વિંગ ડીશમાં આ બનાવને મૂકી પુલાવ ને અનમોલ્ડ કરો. સર્વ કરતી વખતે કેપ્સીકમ અને ટામેટાની સ્લાઈસ વાળી સજાવો.તો તૈયાર છે વેજીટેબલ મસાલા પુલાવ જે હેલ્થી લંચ તરીકે લઈ શકાય છે.