બાસમતી ચોખા ને ૨૦-૨૫ મિનિટ માટે પાણી માં પલાળી રાખવા. ત્યારબાદ એક પેનમાં ઘી મૂકી જીરું નાખી તમાલપત્ર લવિંગ તજ મીઠું નાખીને પાણી નાખી ઉકાળવું. પાણી ઉકળે એટલે ચોખા નાખી ઢાંકણ ઢાંકી દેવું.

ત્યારબાદ પાલક ને બરાબર ધોઈ પાણી માં ઉકાળી ઠંડું પડે એટલે ક્રશ કરી લીલું મરચું નાખી પેસ્ટ બનાવવી.

ત્યારબાદ એક કડાઈમાં ઘી મૂકી આદું લસણ ની પેસ્ટ નાખી પાલક ની પેસ્ટ નાખી મીઠું નાખી રાઈસ ઉમેરી બરાબર હલાવી લેવું.

૨ નંગ ટામેટા લ‌ઈ બાફી ક્રશ કરી પેસ્ટ બનાવી લેવી.

ત્યારબાદ એક કડાઈમાં ઘી મૂકી આદું લસણ ની પેસ્ટ નાખી કાંદા સાંતળવા ત્યારબાદ કાંદા કેપ્સિકમ નાખી સાંતળવું.

ત્યારબાદ લાલ મરચું પાઉંભાજી મસાલો મીઠું નાખી બરાબર હલાવવું. ત્યારબાદ ટામેટા પ્યુરી અને ટોમેટો કેચઅપ નાખી મિક્સ કરવું અને રાઈસ નાખવો.

ત્યારબાદ એક કડાઈમાં ઘી મૂકી છીણેલું પનીર અને મીઠું નાખી રાઈસ નાખી બરાબર હલાવવું.

ત્યારબાદ હવે એક વાસણમાં પહેલા ગ્રીન રાઈસ નું લેયર કરવું ત્યારબાદ સફેદ રાઈસ નું અને છેલ્લે લાલ રાઈસ નું લેયર કરી સર્વ કરવું.