સૌ પ્રથમ તુવેર દાળ અને ચોખા ધોઈને બે ત્રણ કલાક સુધી પલાળી રાખો

કુકરમાં દાળ બફાઈ જાય એટલે બ્લેંડર થી એકરસ કરી તેમાં જરૂર થી વધારે ત્રણ વાટકી પાણી નાખીને મીઠું હળદર લાલ મરચાં નો પાઉડર ધાણા જીરૂ નાખીને સુધારીને રાખેલ ટમેટું લીલાં મરચાં આદુ નું ખમણ ગોળ નાખી ઉકળવા દો

પછી તપેલીમાં ઘી તેલ ગરમ કરી તેમાં રાઈ જીરૂ મેથી તજ લવિંગ લાલ સુકૂ મરચું હિંગ અને લાલ સુકા મરચાં નો પાઉડર નાખીને વઘાર કરી ને તેમાં લીંબુનો રસ કોથમીર લીમડાના પાન નાખો તૈયાર છે ગરમાગરમ તુવેર દાળ

લોયામા પલાળી રાખેલ ચોખા માં બે ચપટી મીઠું બે ચમચી ઘી છ સાત ટીપાં લીંબુનો રસ નાખી દીધા બાદ ઉપર થાળી ઢાંકી તેની ઉપર પાણી રાખી ધીમા તાપે રહેવા દો તૈયાર છે ગરમાગરમ ભાત

લીલી ચોળી ધોઈને સુધારીને બટેટા ની છાલ ઉતારી સુધારીને લસણ ની કળી ફોલી લસણની ચટણી બનાવી લો કુકરમાં તેલમાં જીરૂ હિંગ લસણની ચટણી નાખી શાક વઘારી હળદર મીઠું નાખી હલાવી થોડુંક પાણી નાખીને શાક ચડવા દો તૈયાર છે ગરમાગરમ ચટાકેદાર શાક

ટીંડોળા મરચાં સારી રીતે ધોઈ સુધારીને રાખો લોયામા તેલમાં રાઈ જીરૂ મેથી હિંગ નો વઘાર કરી ને તેમાં ધોઈને સુધારીને રાખેલ ટીંડોળા મરચાં નાખી હળદર મીઠું નાખી હલાવી થોડી વાર પછી ગેસ પરથી ઉતારી લો તૈયાર છે ગરમાગરમ સંભારો

ઘઉં નો લોટ લેવો તેમાં સરખું મોણ ભેળવી લોટ બાંધી લો અને વીશ મિનિટ સુધી રહેવા દો અને પછી ફૂલકા રોટલી બનાવી લો અને ઘી લગાવી દો તૈયાર છે ગરમાગરમ રોટલી

સોરી ફોટા ઝાંખા પડ્યા છે