રોટલી માટે ઘઉ નો લોટ કથરોટ મા લઇ ને પાણી ઉમેરીને બરાબર મિક્ષ કરી બાંધી લો..થોડી વાર ઢાંકી ને રાખી પછી રોટલી બનાવી લો..ઘી લગાડી લેવું.. તૈયાર છે ગરમા ગરમ રોટલી

ભરેલી દુધી નું શાક બનાવવા માટે દુધી ની છાલ ઉતારી લો અને ગોળ કાપી લો હવે સાઈડમાં થી કાપો પાડી ને મુકો અને એક થાળીમાં સીંગદાણા નો‌ ભુકકો અને મીઠું નાખી ને લાલ મરચું પાવડર અને ધાણાજીરું નાખી ને ચપટી હળદર નાખીને ખાંડ અને લીંબુનો રસ નાખી બધું બરાબર મિક્ષ કરી લો હવે આ મસાલો દુધી માં ભરી લો હવે એક કડાઈમાં તેલ ગરમ મૂકી તેમાં રાઈ અને જીરું નો વઘાર કરી તેમાં ભરેલા દુધી ના કકડા નાખી ને બરાબર મિક્ષ કરી લો હવે એક કપ પાણી ઉમેરો ઢાંકણ ઢાંકી ને ચઢવા દો.ચઢી ગયા પછી ઉતારી લો..

તુવેરની દાળ બાફેલી લઈ ને અડધો ગ્લાસ પાણી નાખીને મીઠું અને હળદર નાખીને ઉકળવા દો હવે ગોળ, આંબલી નાખી ને ધાણાજીરું પાવડર નાખી ને લીલાં મરચાં ને આદું નાખી ને બરાબર ઉકળે એટલે તેમાં વધારીયા માં તેલ મૂકી તેમાં રાઈ અને જીરું, મેથી દાણા નાખી ને તતડે એટલે હિંગ નાખી ને મીઠા લીમડાના પાન નાખી ને દાળ નેં વધાર કરો તેમાં થોડાક સીંગદાણા નાખી ને બરાબર ઉકળે એટલે ઉતારી લેવું..

સલાડ માટે બીટ અને ટમેટું ગોળ સમારી લો.. હવે છાશ સાથે ગોળ મુકી ને થાળી પીરસી દો..