प्रथम एका पॅनमध्ये दूध घालावे मग त्यात पिठीसाखर घालावी मग तूप घालून ते सगळं चांगलं हलवून घ्यावे. मग दुधाला उकळी आल्यावर त्यात घेतलेला बारीक रावा घालावा व चांगले हलवून घ्यावे व त्यावर झाकण ठेवून त्याला तीन ते चार मिनिट चांगली वाफ येऊ द्यावी.

एका कढईत एक वाटी साखर घेऊन त्यात एक वाटी पाणी घालावे. त्यानंतर त्याच्यात थोडेसे केशर घालावे म्हणजे पाकाला चांगला रंग येतो. हा पाक एकतारी किंवा दोन तारी करायचा नाही. फक्त साखर विरघळली की एक ते दोन मिनिटं त्याला उकळी येऊन द्यावी. पाक करता करता एका बाजूला त्या रव्याचे मिश्रण चांगले मळून घ्यावे व त्याचे छोटे छोटे गोळे करावे.