प्रथम एका बाऊलमध्ये कणिक मिल्क पावडर मिक्स करून त्यात साजूक तूप मिक्स करून घेतले. मग त्यात बेकिंग पावडर मिक्स केली व थोडे थोडे दूध घालून हलक्या हाताने गोळा बनवला.

गोळा वीस मिनिटे झाकून ठेवला. आता पाक तयार करण्यासाठी एका पातेल्यात साखर व पाणी मिक्स करून साखर विरघळेपर्यंत उकळवून घेतले. साधारण चिकट असे मिश्रण तयार होईपर्यंत उकळले. एक तारी पेक्षाही कमी पाक.

आता वरील गोळा प्रथम हाताला थोडेसे तूप लावून अगदी हलक्या हाताने थोडा मळून प्लॅन बनवला. मग त्यातील लहान गोळा घेऊन त्याला सिलेंडर शेप देऊन त्यात मध्ये थोडी साखर घालून पुन्हा बंद केला असे सर्व गोळे सीलेंडर शेप मधे करून घेतले. मध्ये साखर घातल्यामुळे गुलाबजाम तळल्यावर आतील साखर विरघळते व पाक आतपर्यंत चांगला मूरतो.

आता कढईमध्ये तूप गरम करून त्यात मध्यम आचेवर गुलाबजाम तळून घेतले. व ते गरम पाकात टाकून त्यावर झाकण ठेवून चार-पाच मिनिटे उकळून घेतले. असे केल्यामुळे गुलाबजाम मधे पाक छान आतपर्यंत मुरतो.

मग ते गुलाबजाम दोन-तीन तास पाकात मुरू दिले. मग ते एका चाळणीवर काढून भांड्यातील पाक पूर्ण निथळू दिला. नंतर गुलाबजामला मध्ये उभा कट दिला व त्यामध्ये पायपीन बॅग ने पायनॅपल व्हिप क्रीम ् भरले. असे सर्व गुलाबजाम मधे क्रीम भरून वरून टुटीफ्रुटी ने व सील्हर बॉल ने गार्निश केले.