#रेसिपीबुक #week3 #नैवेद्य नैवेद्य म्हणला कि सगळ्यात आधी येते ती पुरणपोळी. मग तो कोणताही सण असो, पूजा असो कि कोणताही धार्मिक कार्यक्रम असो पुरणपोळी पाहिजेच. महाराष्ट्रात वेगवेगळ्या प्रांतात वेगवेगळ्या पद्धतीने पुरणपोळी केली जाते. पुरणपोळी परफेक्ट जमणे पण एक उत्तम गृहिणी पणाचे लक्षण समजले जाते कारण ही पुरणपोळी बनवणे खूप किचकट आणि वेळखाऊ आहेच शिवाय निगुतीने करायचा पदार्थ आहे. पण एकदा का ही पुरणपोळी नीट जमली कि खाणारा तृप्त आणि करणारा ही समाधानी.

#रेसिपीबुक#week11नमस्कार मैत्रिणींनो आज मी तुम्हाला आपली महाराष्ट्रीयन पारंपारिक पुरणपोळीची रेसिपी शेअर करत आहे.काहीजण मुगडाळ वापरून सुद्धा ही पुरणपोळी बनवू शकतात.माझी आजी नेहमी म्हणायची की पुरण घातले की लगेचच त्याचे कणिक मळून ठेवावे म्हणजे कणिक छान मुरले की पुरणपोळ्या सुद्धा खूप सुंदर बनतात.तुम्हालाही रेसिपी कशी वाटली ते नक्की सांगा

#रेसिपीबुक#week11पुरण पोळी, एक आपली रेसिपी, आपल्या महाराष्ट्रीय समृद्ध संस्कृतीतले आणि विस्तृत खाद्यसंस्कृतीतले एक खमंग पान. ही रेसिपी इतकी आपली आहे की महाराष्ट्राला पुरणपोळीचा जिओ टॅग मिळायला हवा. तुम्ही आपल्या पद्धतीच्या अनेक रेसिपी बनवू शकत असालात तरी पुरणपोळी हा एक सर्वमान्य मापदंड आहे. पुरणपोळी करता आली म्हणजे मराठी पद्धतीचे जेवण बनविण्याची बॅचलर्स डिग्री मिळण्यासारखे असते."होळी रे होळी, पुरणाची पोळी..." अशी आरोळी प्रसिद्धच आहे. पण पुरणपोळी होळीपुरता मर्यादित नाही. पाडवा असो वा पोळा, गौरी-गणपती असो वा कृष्ण, जिथे कुठे सर्वोत्तम गोड पदार्थाचा नैवेद्य दाखविण्याची इच्छा होइल, किंवा गृहिणीला आपले कसब दाखवून कुणा खास पाहुण्यांचे स्वागत करायचे असेल तर पुरणपोळी सारखा पर्याय नाही.पुरणपोळ्या विकत मिळत असल्या तरी तो अगदीच अडचणीत सापडलेल्यांसाठी शेवटचा पर्याय असू शकतो. पण पुरणपोळी बनविण्याची नाही तर ती साजरी करण्याची गोष्ट आहे. आदल्या रात्री डाळ भिजत घालण्यापासून याची सुरुवात होते. दुसऱ्या दिवशी ती डाळ उकडणे, त्यात गूळ घालून शिजवणे, पुरण यंत्रातून त्याचे पुरण करणे, हे सगळे लाड आधी पुरवावे लागतात. घाटण्याचा, पुरण यंत्र फिरविण्याचा नाद स्वयंपाकघरात घुमायला हवा. पुरणाच्या गोळ्यांचा आणि मऊ पिठाचा स्पर्श हाताला व्हायला हवा. अलगद, मायेने पण सराईतपणे लाटणे गोळ्यावरुन फिरायला हवे. तव्यावर फुगलेल्या पुरणपोळीवर साजूक तुप लावतानाचा सुगंध घरभर दरवळायला हवा. आणि इतके सारे होऊन पुरणपोळी खाण्यासाठी मन आतुर झाले असताना आधी देवाला नेवैद्य दाखवेपर्यंत वाट पहाणे देखील आले. तेव्हा कुठे ही सेलिब्रिटी आपल्या पानात अवतरते. सादर आहे ही आपली मराठमोळी रेसिपी...

#HSRमहाराष्ट्राची आन बान आणि शान असलेली पुरणपोळी ही प्रत्येक सणाचे आकर्षण! मऊसूत  पुरणाने  गच्च भरलेली , सोनसळी रंगाची , नाजूक किंचित जाडसर लाटलेली पोळी जेव्हा तव्यावर साजूक तुपात खमंग भाजली जाते ना तेव्हा त्या खरपूस सुवासाने घरातील  कोपरा ना कोपरा मंगलमय होऊन जातो! पुरणपोळी म्हणजेच आनंदोत्सव हे जणू महाराष्ट्रात समीकरण ठरलेलेच ! बरेच लोक असे मानतात की, "मराठी पुरणपोळी रेसिपी"ची मूळ सुरूवात महाराष्ट्र राज्यामध्ये झाली.कदाचित " महाराष्ट्रीयन पुरण पोळी "या जगापासून अस्तित्वात आहे. महाराष्ट्र तसेच गुजरात आणि गोवा ही गोड पोळी तयार करण्यासाठी प्रसिद्ध ठिकाणे आहेत.चला तर मग पाहूयात खमंग साजूक तुपातील पुरणपोळी.

#रेसिपीबुक #week11 #पुरणपोळीगौरीचा महानैवेद्यासाठी पंचपक्वान्न तर केले जातातच पण पुरणपोळी शिवाय नैवद्य अपुर्णच मानला जातो🙏🙏. निगुतीने शिजवलेले पुरण आणि सैलसर कणकेत पुरण शिगोशिग भरून मऊसुत पोळी वरून तुपाची धार आणि दुध म्हणजे ब्रह्मानंद😋

#रेसिपीबुक #week11 पुरणपोळी हा महाराष्ट्रात बनणारा एक गोड व महत्त्वाचा खाद्यपदार्थ आहे. महाराष्ट्रात होळी, बैल-पोळा, श्रावणी शुक्रवार इत्यादी सणांच्या दिवशी पुरणपोळी करतात. याशिवाय दिवाळीच्या लक्षमीपूजनाला किंवा नवरात्रीतील नवमीला सुद्धा पुरण पोळीचे महत्त्व आहे. विशेषत: होळीला घरोघरी पुरणपोळी केली जाते. पुरणपोळी ही गुळवणी, तूप आणि दूध तसेच कटाच्या आमटीबरोबर खाल्ली जाते. धामि॔क पंरपंरेत पुरणपोळीला फार महत्त्व आहे. लहान मुले आणि वयोवृद्ध लोक सुद्धा पुरण पोळी आवडीने खातात .तसेच गणपती बरोबर गौरी आल्या की त्यांनाही पुरणपोळी लागतेच. म्हणून खास गौरींसाठी हा पुरणपोळीचा नैवेद्य.

#रेसीपीबुकमाझी आवड रेसिपी नं. १.आंबा म्हटला ना कि तो सर्वांच्याच जिव्हाळ्याचा विषय असतो. आंबे आले म्हणजे आंबा पुरणपोळी, आंबा बर्फी, आंबा पोळी, मुरांबा हे होणार म्हणजे होणारच.ह्या वर्षी थोड्या मर्यादेतच मिळाले.पण आंबा पुरणपोळी म्हणजे सर्वांनाच इतकी आवडते कि काय सांगू.म्हणून माझ्या आवडीच्या पदार्थांत फळांच्या राजा आंबा व खवय्यांच्या मेनूची राणी पुरणपोळी यांचे मधुमिलन घडवून आणून माझ्या रेसिपी बुकची सुरूवातच मुळात गोडव्याने केली. करून बघा तुम्हाला ही माझी आवड नक्कीच आवडेल.🥭🍪

#रेसिपीबुक #week11पूरणा सारखा पवित्र मंगलकारक नैवेद्य नाही . ताट भरून तोंड भरून षडरस युक्त व प्रोटिनयुक्त, व्हिटॅमिन्स असलेली पुरणपोळी हा सुरेख नैवेद्य आहे.पुरणाचे ताट जसे दृष्टीसुख देते तसे बाकीचे नैवेद्य देत नाहीत अशी ही मंगलकारक, पारंपरिक पुरण पोळी आहे. चला तर कशी करायची पाहूयात ....

#आई#मदर्स डे स्पेशल माझ्या लाडक्या आईसाठीआई साठी बोलावतरी काय जेवढे बोलू तेवढे कमीचआईने हे जग दाखविले हाताला धरून चालायलाशिकवले छान छान बोलायला शिकवले तिने आपल्याला काय पाहिजे ते सर्व दिले पण आपण तिला कधी विचारले नाही आई तुला काही पाहिजे का आणि तिने ही काही मागितले नाही पण आपणकधी तिला विचारलं की आई तुला काय हवय कातर तिचे ऊत्तर नेहमी एकच नाही मला काही नकोपण मि ठरविले ह्या मदर्स डे ला तिला काही तरीस्पेशल आणि तेही तिच्या आवडीचे माझ्या आईलापुरणपोळी खुप आवडते मग मि ठरविले आईलापुरणपोळी भेट द्यायची म्हणून आईसाठी खास पुरणपोळी.

#KS3प्रत्येक भागात वेगवेगळी पुरणपोळी असते नाशिक संगमेश्वर साईडला मोठी कडई चुलीवर पालथी घालून त्यावर मोठी पोळी भारतात पश्चिम महाराष्ट्रामध्ये तेला वरच्या पोळ्या बनवतात सांगली कोल्हापूर भागात तर सातार भागात पिठावर ची पुरणपोळी बनवतात पुरणपोळी मध्ये गूळ वापरतात पण नागपूर मध्ये पुरणपोळी मध्ये साखर वापरली जाते तर मी तुम्हाला आज साखर वापरून पुरण पोळी बनवून दाखवणार आहे

#रेसिपीबुक #week11# पुरणपोळीमी मुळची सागंली भागातील मात्र नवरोबाच्या नोकरीमुळे नागपूर ,अमरावती याठिकाणी रहाणं झाले माझ्या मुलीला तिकडची भरगच्च पूरण असलेली पुरणपोळी खूप आवडते ही पुरणपोळी खूप मोठी नसते पण पुरण खूप असल्याने एक किंवा दोन पोळ्यात पोट टम्म भरते गरमागरम तुपासोबत खायची ही पुरणपोळी.

#पुरणपोळीहोळी म्हटलं की पुरणपोळी हवीच. मग ती तेलपोळी असू दे किंवा खापरावरची पोळी असु देत. मी आज पुरणात केशर घालून पुरणपोळी बनविली, स्वाद तर अहाहा.....शिजवलेल्या चणाडाळीतले पाणी काढून त्याची कटाची आमटी बनविली.

#रेसिपीबुक #week11मैदा पेक्षा गव्हाच्या पिठाची पोळी चवीला खूप छान लागते.

#पुरणपोळी ... होळी रे होळीहोळी म्हटली की साहजिकच पुरणपोळी आलीच. सगळ्यांकडे थोड्या फार फरकाने सारखीच रेसिपी असली, तरी पुरणपोळी हा पदार्थ तसा निगुतीने करायचा. मऊसूत पिठात खमंग गोड पुरण भरून हलक्या हाताने पोळी न फाटू देता लाटणे यातच कसब आहेच पण त्यांनतर ती पोळी तूप घालून खमंग भाजताना ही त्या अन्नपूर्णे चा खरा कस लागतो... आणि मग खवय्यांच्या ताटात पडते ती गोड लुसलुशीत पुरणपोळी... मग ती तुपाबरोबर खा, दुधाबरोबर खा किंवा तिखट कटा बरोबर.... ब्रम्हानंदी टाळी लागलीच समजा😋

#hr#पुरणपोळी#holiमहाराष्ट्राची प्रमुख सिग्नेचर गोडाचा पदार्थ म्हणजे पुरणपोळी पुरणपोळी म्हणजेच महाराष्ट्र महाराष्ट्र म्हणजेच पुरणपोळी वर्षभराची कोणतेही सण वार असो पुरणपोळी लाच सर्वात जास्त मान असतो कुटुंब एकत्र आले तर पुरणपोळीचा घाट असतो आनंद ,प्रेम, तृप्तता अशा सर्व गुणांनी ही पुरणपोळी सर्वांमध्ये गोडवा निर्माण करते महाराष्ट्राचे मुख्य दोन सण पोळा आणि होळी या सणांमध्ये पुरणपोळी ही सर्व घरातून बनवली जाते मला माझ्या लहानपणाची पहिली पुरणपोळी आठवते ती काळा कलर च्या मातीचा खापरे वर तयार केलेली खापर पुरणपोळी माझ्या गावात मी लहानपणापासून खाल्लेली आहे आमच्या घरात खापर पुरण पोळी बनवायला बऱ्याच बायका यायच्या इतक्या साऱ्या पुरणपोळ्या बनवायच्या आणि आमच्याकडे बरेच पाहुणे जेवायला यायचे त्यामुळे मी जर खाल्लेली पहिली पोळी खाल्ली असेल तर ती खापर पोळी आहे. आजही आई आमच्यासाठी पोळी बोलून बनवून घेते. पोळी बरोबर भरपूर तूप कटाची आमटी, कुरडया ,भजे असे मेनू असायचाच मला ही लहानपणापासून जे बघितले त्याची सवय लागली आहे म्हणून मी हेच पदार्थ सणावाराला बनवते बऱ्याच भागात तुरीच्या डाळीपासून पुरण बनवले जाते मी बनवलेली पुरणपोळी चे पुरण मी ज्या गाळणीतून पुरण घासून काढले ते अधिक मासात दिलेले वान आहे तिने

#Happycookingपुरणपोळी हे महाराष्ट्रात बनणारे एक गोड व महत्त्वाचे खाद्यपदार्थ आहे. देवाला पुरणपोळीचा नैवेद्य हा विशेष च्या निमित्ताने दाखवला जातो. होळीच्या दिवशी पुरणपोळीचा नैवेद्य महत्त्वाचा मानला जातो. पूर्वी लोक एखादा सण अथवा पाहुणे आले असता पुरणपोळी करत. याशिवाय नवरात्रीतील नवमीला सुद्धा पुरण पोळीचे महत्त्व आहे.

#Hsr#पुरणपोळी#कढीहोळी उत्सव निमित्त तयार केलेली पुरणपोळी आणि बरोबर कढी चे कॉम्बिनेशन एकदम जबरदस्त लागतेपुरन पोळी बरोबर कढीचे कॉम्बिनेशन छान लागते गुजराती कम्युनिटी मध्ये सर्वात जास्त पुरण पोळी बरोबर कढी केली जाते. खायला चविष्ट लागते हे कॉम्बिनेशन नक्कीच ट्राय करून बघारेसिपी तून नक्कीच बघा पुरणपोळी आणि कढी

#रेसिपीबुक #week11#नेवेद्य चातुर्मास मध्ये पुरणपोळी करायला कारणच असते. गौराई च्या नेवेद्या साठी पुरण करायला फार आंनद मिळतो. माहेरवाशीण ती तिचे कोडकौतुक करण्यासाठी मी नुसतं पुरण पोळी नाही तर मलई पोळी केली.

#रेसिपीबुक #week11#पुरणपोळीपुरणपोळी ही सर्वत्र महाराष्ट्रात खूपच प्रसिद्ध आहे. कुठलाही सण असो, त्या सणाला पुरण पोळीचा नैवेद्य हा, महानैवेद्य समजला जातो. कुठले पाहुणे जरी आले, तरीही पुरणपोळीचा पाहुणचार केला जातो. आपल्या घरी गणपती बाप्पा पाहुणे म्हणून आले आहे. त्यांचा पाहुणचार म्हणून पुरणपोळीचा नैवेद्य मी आज करीत आहे. आणि अचानक आमच्याकडे पाहुणे सुद्धा आले.

#रेसिपीबुक#week11पुरणपोळी आणी आप्पे रेसिपीजगौरी गणपती च्या आगमनाने प्रसान्नाता च वातावरण. वडा पुरणचा स्वयंपाक पण काही माझ्या सारखे असतिल ज्यांना पुरण तर आवडते पण हरबरा डाळीचे चालत नाही मग त्याला पर्याय काय तर तसेच तुरीच्या डाळीचे पुरण करुन त्याच्या पुरणपोळ्या.

#रेसिपीबुक #week11देवीच्या नैवेद्यात पुराणाचे फार महत्व आहे. ह्या गौरी पुजनाला मी पारंपारिक पुरण पोळी केली होती.

#HSRपुरणपोळी ही महाराष्ट्राच्या संस्कृतीचा अविभाज्य भाग आहे.महाराष्ट्रातील मराठी घरामध्ये सणावाराला,कार्यपरत्वे,कुळधर्मासाठी पुरणपोळी होत नाही असे घर शोधूनही सापडणार नाही.अतिशय शुभशकुनाची अशी ही पुरणपोळी सर्व समारंभांना परिपूर्णता देते.पुरण म्हणजे सगळ्ं काही पूर्ण झालं,असं माझी आई नेहमी म्हणायची.तिच्या दृष्टीने पुरणावरणाचा स्वयंपाक हा अगदी सोपा आणि समाधान देणारा होता.खूपच सहजपणे ती पुरणपोळी करत असे.कुठे पसारा नाही की काही नाही.हे निरिक्षण करत करतच मीही पुरणपोळी शिकले.कधीही पुरणाचा स्वयंपाक असेल तर आम्हाला एकेक तरी पुरणपोळी करायला ती सांगायचीच.पुरणपोळी आली नाही तर सासरी काय म्हणतील...असं ती नेहमी म्हणायची.त्याच शिस्तीमुळे आज थोडीफार पारंगत होऊ शकले आहे.सासरी आल्यावर माझ्या आतेसासूबाई अतिशय रेखीव पुरणपोळी करायच्या ते पाहिले.माझी गावाकडची काकूही फारच अप्रतिम पुरणपोळी करते.हल्ली बरेचदा बाहेरून ऑर्डर देऊन पुरणपोळी समारंभाला ठेवली जाते,पण आपल्या घरच्यांसाठी छोट्या प्रमाणात असेल तर घरीच स्वतः बनवलेली पुरणपोळी घरच्यांना खायला घालण्यात वेगळाच आनंद असतो.आमच्या आईकडे सोवळ्यात पुरणाचा स्वयंपाक असे.आतासारखे आदल्यादिवशी पुरण तयार केलेलेही चालत नसे.तरी इतका चटपट, वेळेत पुरणाचा स्वयंपाक आई कसा करायची ?असा मला आता प्रश्न पडतो.तेही पुरण पाट्यावर वाटायचे.आता सगळी साधनं आहेत,सोवळंही मागे पडलंय...पण जुनेजाणते सुरेखशी पुरणपोळी करणारे अलवार हात आता नाहीत ही खंत वाटते.होळीला तर पुरणपोळी व्हायलाच हवी...तीच आज केलीय...येताय ना गरमागरम,भरपूर तुपाच्या धारेने भिजलेली पुरणपोळी...आणि बरोबर उत्तम चवीची कटाची आमटी खायला(माझ्या सुनेच्या हातची खास...पर्फेक्ट चवीची!👍☺️)😋😋🙋

#hrपूर्वी प्रत्येक सणासुदीला हमखास पुरणपोळीच बनवली जायची. महाराष्ट्रामध्ये प्रत्येक ठिकाणची पुरणपोळी थोडीशी वेगवेगळ्या पद्धतीची आहे कोल्हापूर मध्ये तर पुर्वी पुरण पोळी बनवताना कणीक मैदा, मीठ तेल टाकून दुधात सैलसर भिजवून पीठ मळायचे. ही कणीक पाट्यावर ठेवून मुसळाने तेल, पाणी लावून कुठून घ्यायचे. ही कुटायला दोन माणसे लागतात एकाने खाली बसून कणकेला तेल पाणी लावायचे व उभी असलेल्या बाईने फक्त मुसळ धरून कुटायला मदत करायची ( हे मुसळ लाकडापासून बनवतात ) हे काम आपण बत्त्याने किंवा वरवंटयाने ही करू शकतो किंवा आज तर फुडप्रोसेसर आहेच.... कुटल्या ने पीठ मऊ होते व पोळी छान होते मी तर छोट्या पितळेच्या बत्त्याने किंवा वरवंटयाने परातीतच पीठ कुटते. मी या आधीही गुळाची पुरण पोळी आणि साखर गुळाची पुरणपोळी ची रेसिपी कूकपॅड वर शेअर केली आहे तेही तुम्ही नक्की बघा.चला तर मग बघुया स्पेशल साखरेची पुरणपोळी 😋

#HSR#पुरणपोळी म्हणजे आमच्या घरात आवडीचा गोड पदार्थ ,माझ्या मुलांचा तर फार .तसे महाराष्ट्रीयन लोकांच्या सर्व देवी देवताच्या नैवेद्यात तिचे अन्यन्य साधारण महत्व आहे.होळी नी पुरणपोळी नाही असे होती नाही महाराष्ट्रातील प्रत्येक घरात आवर्जून केला जाणारा पदार्थ माझ्या हातची पुरणपोळी आमच्या घरात एकदम आवडती.बघा तर कशी करायची आवश्य करून बघा एकदम मऊसूत होते.

#रेसिपीबुक #week11 माहेरवाशीण म्हणून गौरी आल्या की त्यांच्यासाठी छान गोडधोड स्वयंपाक केला जातो.प्रत्येकाकडे वेगवेगळ्या पद्धतीचा नैवेद्य दाखवला जातो.बहिणीच्या सासरी खड्यांच्या गौरी बसतात.मग त्यांच्यासाठी खास पुरणपोळीचा नैवेद्य करतात.यावर्षीही आम्ही गेलो होतो.मस्त पुरणपोळी आणि साग्रसंगीत स्वयंपाक करून नैवेद्य अर्पण केला.

#HSR#पुरणपोळीहोळी स्पेशल रेसिपी चॅलेंज त्यासाठी तयार केलेली पुरणपोळी होळी म्हटली की पुरणपोळी ही सर्वांच्या घरांमध्ये केली जाते गरम गरम पोळी आणि साजूक तूप अप्रतिम लागते

#पश्चिम #महाराष्ट्रइंडियन क्युजन मास्टरशेफ चैलेंज मध्ये मी महाराष्ट्र निवडून पुरणपोळी बनवलीआहे. होळी म्हणजे पुरणाची पोळी 🤤 पण खरं सांगू का पुरण किंवा पुरणाची पोळी याची डिमांड वर्षभर वेगवेगळ्या सणाला असते .जसा होळीला पूरणपोळी करतात .पोळ्यालाही पुरणपोळी करतात. पुरणाचा नैवेद्य असतो. काही ठिकाणी वडा पुरणाचा नैवेद्य असतो.पुरणाची पोळी म्हटलं की महाराष्ट्रामध्ये वेगवेगळ्या ठिकाणी वेगवेगळ्या पद्धती वापरून पुरणपोळी केली जाते . जसं जळगावमध्ये हातावर पोळी करून उलट्या माठावर किंवा घमेल्यावर पुरणपोळी करतात. आणि पातळ असते ती पोळी. पश्चिम महाराष्ट्रातही पुरणपोळी पातळ असते मग त्या पुरणपोळी बरोबर खाण्यासाठी दूध किंवा कटाचीआमटी , नाहीतर सरळ तुपाची वाटी घ्यायची. आणि इकडे विदर्भामध्ये पुरणाची पोळी जाड असते. पेढ्या सारखं सोफ्ट पुरण असतं. आणि तुपासोबत ,तूप लावून खायचं.. आता तुम्ही म्हणाल की तूप पुरणपोळी करतानाही टाकला. पुरणपोळी झाल्यावरही तूप टाकलं . कसं असतं ना काही पदार्थांना जे लागतं ते लागतं.तुम्ही प्रमाण कमी-जास्त करू शकता.असे हे पुरणाचे चे प्रकार आणि लाड आहेत.

#रेसिपीबुक #week11 #पुरणपोळी.. आपली मराठी खाद्यसंस्कृती म्हणा किंवा एकूणच पाककला म्हणा ..हे एक सायन्सच आहे..पाकशास्त्र असं उगाच म्हणत नाहीत याला..ही एक प्रकारची तपश्र्चर्याच आहे..यामध्ये सातत्य,प्रयोगशीलता, चिकाटी,मनापासून आवड हवीच हवी. एखादा पदार्थ जमला नाही तर पुढच्या वेळेला आधीच्या चुका टाळून चिकाटीने तो पदार्थ सराईतपणे जमेपर्यंत करण्याचे सातत्य ...इथेच खर्या सुगरणीचा कस लागतो.आता हेच बघा ना उकडीचे मोदक आणि पुरणपोळी..हे दोन्ही पदार्थ सुबक रितीने जमण्यासाठी काही वर्ष खर्ची घालावी लागतात..तेव्हां कुठे अन्नपूर्णा देवी आपल्यावर प्रसन्न होते. पुरणपोळी आणि उकडीचे मोदक हे तसं राजेशाहीच ..तामझामवालं काम..दोन्हीसाठी निवांत पणा आवश्यक..कसंतरीच उरकायला जाल तर फजिती ही ठरलेलीच..आदल्या दिवशी पासून हे आपल्या आगमनाची वर्दी द्यायला भाग पाडतात..घरातील मंडळींचा काही ना काहीतरी हातभार लागलाच पाहिजे. नादलयताल सणाचा फिल देतो घरातील कुळधर्म कुळाचार असो,होळी ,पोळाअसो..सणसमारंभअसो,अगदीबारशापासून,डोहाळजेवणापासून ते मंगळागौरी पर्यंत,बोडणापर्यंत पानात, नैवेद्यासाठी पुरणावरणाचा स्वयंपाक हवाच..काही वेळेस पुरणपोळी जरी विकत आणली तरी शकुनाचे म्हणून पुरण करतेच घरची गृहिणी.. त्याशिवाय तिला चैन पडतच नाही..तर अशी ही पुरणपोळी म्हणजे आपल्या खाद्यसंस्कृतीची अनभिषिक्सम्राज्ञीचहोय..

#hrमहाराष्ट्रीय सण म्हटले की ते पुरणपोळी शिवाय साजरे होतच नाहीत. पूजा , नैवेद्य दाखवायला पुरण पोळी प्रत्येक घरी करतातच.

पुरणपोळी#HSRHOLI RECIPESहोळी रे होळी पुरणाची पोळी....होळीच्या दिवशी पुरणपोळीचा नेवैद्य महत्त्वाचा मानला जातो. होळीच्या दिवशी महाराष्ट्रीय घरामध्ये पुरणपोळी केली नाही असं सहसा होत नाही. खूप सोप्या पद्धतीने तुम्ही ही घरच्या घरी पुरण पोळी बनवू शकता, मग वाट कसली पाहताय लागा तयारीला आणि करा ही होळी पुरणपोळीसोबत साजरी!