બાજરાના લોટ ને ચાળી લો તેમાં જરૂર મુજબ પાણી ઉમેરો. લોટ બાંધો.અને ખૂબ મસળો. આનાથી રોટલા સારા બને છે. લોટના 3 લુઆ બનાવો. હવે હાથેથી ટીપીને લોટમાંથી રોટલા બનાવો.ના ફાવે તો રોટલી બનવાના પાટલા પર થોડો બાજરાનો કોરો લોટ છાંટીને તેના પર રોટલો ટીપી શકાય. તે દરમ્યાન ગેસ પર તાવડી ગરમ કરવા મુકો.

તાવડી ગરમ થાય એટલે તેમાં રોટલો સાચવીને મૂકો. ધબ દઈને મૂકશો તો તેમાં હવા વચ્ચે ભરાઈ જવાથી ભમરો થશે.એક બાજુ થાય એટલે બીજી બાજુ ફેરવીને પલટાવી લો.બીજી બાજુ શેકાઈ જાય એટલે દડા ની જેમ થશે.

ઘી લગાવીને ગરમ પીરસો. ઓરા અને સેવ ટામેટા ના શાક સાથે ખૂબ જ સરસ લાગે છે.ગરમ રોટલામાં ખૂબ ઘી લગાવી ગોળ સમારીને રોટલા પર પાથરો.પીઝા પણ આ રોટલા સામે પાણી ભરે.