सर्व बारीक चिरलेल्या भाज्या मिक्स करून घ्या. कढईमध्ये दोन टेबलस्पून तेल गरम करून त्यामध्ये हिंग घाला. त्यावर या भाज्या घालून परतून घ्या.

या भाज्यांमध्ये हिरवी मिरची आले आणि लसूण मिरची पेस्ट, लाल मिरची पावडर, धने-जिरे पावडर घाला

चाट मसाला व चवीनुसार मीठ घालून दोन मिनिटे परतून घ्या व या भाज्या एका भांड्यामध्ये काढून घ्या त्यामध्ये उकडून कुस्करलेला बटाटा घाला.

एका कढईमध्ये पोहे दोन ते तीन मिनिटे कोरडे भाजून घ्या थंड झाल्यावर त्याची पावडर करून घ्या व ही पावडर या भाज्यांच्या मिश्रणामध्ये घाला. आता यामध्ये ब्रेडक्रम्स घाला.

हे मिश्रण व्यवस्थित मिक्स करून घ्या व या मिश्रणाचा छोटा गोळा घेऊन त्याची पारी करून घ्या या पायरीमध्ये एक चीझ चा तुकडा ठेवून पारी बंद करून हव्या त्या आकारामध्ये कटलेट बनवून घ्या.

अशा पद्धतीने सर्व कटलेट बनवून घ्या. एका भांड्यामध्ये दोन टेबलस्पून मैदा व पाणी घालून पातळसर पेस्ट बनवून घ्या

आता हे तयार झालेले कटलेट आधी मैद्याच्या मिश्रणामध्ये बुडवून मग ब्रेडक्रम्स मध्ये घोळवून गरम तेलामध्ये दोन्ही बाजूने सोनेरी रंग येईपर्यंत तळून घ्या.