मिक्स व्हेजिटेबल कटलेट बनविण्यासाठी, जाड पोहे स्वच्छ धुऊन, भिजत ठेवावे. बटाटा उकळुन किसुन घ्यावा.शिमला मिरची, पत्ता गोबी, गाजर, कांदा, कोथिंबीर बारीक चिरून घ्यावे. तसेच हिरवी मिरची आले लसून यांची पेस्ट करून घ्यावी.

एका पातेल्यामध्ये पोहे मॅश करून घ्यावे. त्यामध्ये किसलेला बटाटा घालावा. वरील सर्व भाज्या तसेच आले लसून पेस्ट हळद तिखट, धने, जीरे पावडर, आमचूर पावडर, गरम मसाला, मीठ कोथिंबीर घालून मिश्रण मिक्स करून घ्याव.

हे मिश्रण मिक्स झाल्यानंतर त्याचे गोल गोल कटलेट तयार करून घ्यावे. सर्व कटलेट तयार झाल्यानंतर रव्यावर घोळवून घ्यावे.

गॅस वर फ्रायपॅन ठेवून त्यामध्ये दोन ते तीन चमचे तेल घालावे. तेल गरम झाले की कटलेट त्यामध्ये शालो फ्राय करावे. कटलेट दोन्ही बाजूंनी खमंग बदामी रंगाचे शेकून घ्यावे.