प्रथम टोमॅटो बारीक चिरून घेणे. ओले खोबरे खिसुन घेणे. नंतर मिक्सर चे भांडे घेऊन त्यात टोमॅटो आणि खिसलेले खोबरे याची पेस्ट करून घेणे.बारीक वाटून घेणे.

नंतर एका पातेल्यात तूप घालून ते गॅस वर गरम करण्यास ठेवावे. तूप गरम झाले कि त्यात जिरे घालावेत. जिरे फुले कि त्यात आवडीनुसार मिरचीचे तुकडे व कढीपत्ता घालावा. ते छान परतून घेणे. नंतर त्यात बारीक वाटलेले टोमॅटो आणि खोबरे पेस्ट घालावी.

नंतर त्यात आपल्याला ते सार किती पातळ हवे आहे त्यानुसारच पाणी घालावे. व त्यात चवीनुसार मीठ आणि साखर घालून मध्यम आचेवर 5 मिनिटे छान हे सार उकळून घेणे. (टोमॅटो खूप आंबट असेल तर थोडी जास्त साखर व पाणी घालावे. कमी आंबट असेल तर जास्त पाणी घालू नये व साखर चवीनुसार घालणे.)

सार उकळून झाले कि त्यात वरून कोथिंबीर घालावी. अशाप्रकारे गरमागरम टोमॅटो सार तयार झाले. जेवणा आधी हे सार गरम गरम पिऊन घेणे. याने भूक हि छान लागते व जिभेला चव हि येते.