میتھی کے موٹے ڈنٹھل کاٹ کر باریک چوپ کر لیں باقی میتھی کو ڈنڈی سمیت اور اسے ہلدی ملے پانی میں بھگو دیں 20 منٹ پھر صاف پانی سے اچھی طرح تین چار بار دھو لیں ۔اسطرح اگر میتھی میں کڑواہٹ ہوئی تو نکل جاتی ہے ۔

ایک کڑاہی میں آئل ڈالکر آلو چھیل کر چھوٹے ٹکڑوں میں کٹے ڈالکر ہلکا سا فرائی کرکے نکال لیں ۔

اب اسی کڑاہی میں زیرے ثابت لال مرچ اور باریک کٹی ہری مرچ کا بگھار لگا کر چوپڈ پیاز سوتے کریں پانچ منٹ بعد ادرک لہسن چوپڈ ڈال دیں اور چار منٹ بھون کر لال مرچ ہلدی نمک ڈالکر تھوڑا سا پانی ڈالکر بھونیں دو منٹ ۔

اب اسمیں باریک کٹے ٹماٹر ڈالکر ڈھکن ڈھک کر پانچ منٹ پکائیں ٹماٹر گل جائیں تو آلو ایڈ کردیں اور تھوڑا پانی ڈال دیں دس منٹ ڈھک کر پکائیں پھر میتھی اور سویا ڈال دیں اب ڈھکن نہیں ڈھکنا اسے درمیانی آنچ پر پکائیں کھلا مشکل سے دس منٹ لگیں گے اب ہرا دھنیہ چھڑک دیں تیار ہے آپکی سبزی اوپر مکھن ڈالنا چاہیں تو ڈال دیں