सगळ्यात पहिला मेथी छान स्वच्छ पाण्याने धुऊन घ्या आणि चिरून घ्या,त्या मधे बेसन,गव्हाचे पीठ,ओवा,हळद,गरम मसाला,आले लसूण मिरची पेस्ट,हिंग, रवा,चवीनुसार मीठ आणि तेल घालून छान मिक्स करून घ्या.

सगळे जिन्नस घालून झाले की छान एकजीव करून घ्या.लिंबाचा रस घालून मिक्स करून घ्या.

वरून तेल लावून तयार पिठाचे छोटे छोटे गोळे करून घ्या.खाली दाखवल्या प्रमाणे.सगळ्या पिठाचे गोळे बनवून तयार करून घ्या.

कढई मध्ये तेल घालून गरम करून घ्या,तेल तापले की एक एक करून मुठीय घालून घ्या,आधी 5 ते 6 मिनिटे परतू नका..

नंतर आलटून पालटून सगळ्या बाजूने परतत रहा. गोल्डन ब्राऊन रंग आला पाहिजे.स्लो गॅस वर फ्राय करून घ्या.

आता एक कूकर मध्ये आपण जे मुठीयां फ्राय केले होते तेच तेल घालून घ्या, गरम झाले की त्या मध्ये रताळे,वांगी,सुरण,बटाटे घालून फ्राय करून घ्या,5 ते 7 मिनिटे हाई गॅस वर फ्राय करून घ्या.

आता अजुन थोडे तेल घालून घ्या त्याच कूकर मध्ये आणि त्या मध्ये ओवा घालून घ्या आणि हिंग घाला हलवून घ्या,आणि तयार केलेला मासला घालून घ्या, मसाला करताना, टॉमॅटो,कोथिंबीर,हिरवा लसूण, हिरवी मिरची,आले,ओला नारळ,शेंगदाणे घालून सगळे बारीक मिक्सर मधून फिरवून घ्या हा मसाला तेला मध्ये घालून छान परतून घ्या,3 ते 5 मिनिटे परतून घ्या,त्या मध्ये लिंबाचा रस आणि साखर घालून मिक्स करावे.

आता त्या मध्ये सगळ्या भाज्या एक एक करून घालून घ्या.चवीनुसार मीठ घालून छान परतून घ्या,पाणी घालून कूकर चे झाकण लावून 3 शिट्ट्या काढून घ्या.

3 शिट्ट्या काढून घेतले की कूकर थंड करून घ्या,आणि कूकर खोलून त्या मध्ये तयार मेथीच्या मुठियां घालून छान मिक्स करा आणि गरम गरम उंधियु पुरी सोबत सर्व्ह करा.