प्रथम एका कढईमध्ये ओट्स थोडे भाजून घ्यावे. नंतर एका भांड्यात काढून घ्यावे आणि थंड झाले की हाताने बारीक करून घ्यावे.

नंतर त्यामध्ये रवा, बेसन, कांदा, टोमॅटो, सिमला मिरची, तिखट, हळद हे सर्व घटक टाकून मिक्स करून घ्यावे आणि लागेल तसे पाणी घालून भिजवून घ्यावे.

नंतर हे मिश्रण १० मिनिटे झाकून ठेवावे. आता यामध्ये मीठ चवीनुसार घालावे आणि कोथिंबीर घालून मिक्स करावे आणि एका नाॅनस्टिक तव्याला तेल लावून घ्यावे आणि तयार असलेले मिश्रण दोन चमचे टाकून चिला बनवून घ्यावा.

आता तव्यावर झाकण ठेवून मध्यम आचेवर भाजून घ्यावे आणि नंतर दुसऱ्या बाजूला तेल लावून चिला खरपूस भाजून घ्यावा.