प्रथम एका भांड्यामध्ये मैदा घेऊन त्यामध्ये दोन टेबलस्पून तूप आणि चिमूटभर मीठ टाकावे,तूप चांगले मैद्यामध्ये मिक्स करून घ्यावे. आता यामध्ये खाण्याचा लाल रंग ऍड करावा नंतर थोडे थोडे पाणी टाकून घट्ट पीठ मळून घ्यावे आणि अर्धा तास झाकून ठेवावे.

आता साटा तयार करण्यासाठी सहा टेबलस्पून कॉर्नफ्लावर घ्यावे त्यामध्ये चार टेबलस्पून तूप टाकावे आणि छान मिक्स करून घ्यावे.

अर्ध्या तासानंतर तयार केलेल्या पिठाचे सहा ते सात गोळे करून घ्यावेत. एक एक गोळा घेऊन छान पातळ लाटून घ्यावे.

आता लाटलेली एक पोळी घेऊन त्याच्यावरती तयार केलेल्या साटा छान पसरून घ्यावा. आता यावरच दुसरी पोळी ठेवावी आणि पुन्हा साटा लावावा.अशाप्रकारे सर्व पोळ्या ठेवून साटा लावून घ्यावा आणि त्याचा रोल बनवून घ्यावा. (फोटोमध्ये दाखविल्याप्रमाणे.)

आता तयार केलेला रोल च्या छोट्या छोट्या लाट्या मध्ये कट करून घ्यावा.आता तयार केलेली लाटी हलक्या हाताने मध्ये प्रेस करावी आणि आणि हार्ट शेप च्या साचाने मधोमध कट करून घ्यावे अशाप्रकारे सर्व लाट्यांचे चिरोटे तयार करून घ्यावेत.

आता गॅस वरती कढई ठेवून त्यामध्ये तळण्यासाठी तेल गरम करून घ्यावे त्याच्यानंतर तयार केलेले चिरोटे बारीक आचेवर छान तळून घ्यावेत.

अशाप्रकारे सर्व चिरोटे तळून घ्यावेत. आता एकेक चिरोटा घेऊन पाकामध्ये डीप करून बाजूला काढावा वरून पिस्ता टाकून सर्व करावे

हे चिरोटे बाईट्स दिसायला अतिशय सुंदर प्रेमात पडावे असे आणि हार्टशेप असल्यामुळे खूपच सुंदर दिसतात