बारीक रवा आधी थोडे पाणी घालून भिजवून ठेवावा दहा मिनिटे. तोपर्यंत कांदा टोमॅटो आणि हिरवी मिरची बारीक चिरून घ्यावी. रवा थोड्यावेळ भिजून झाल्यावर त्यामध्ये कांदा, टोमॅटो हिरवी मिरची, लसणाची पेस्ट, मीठ, जीरे घालून आणि पाणी घालून मिक्स करावे. पाणी प्रमाणात घालावे जास्ती पातळ करू नये.

आता आपला तवा गरम करायला ठेवावा. तव्यावर धिरडे घालण्यापूर्वी थोडे तेल शिंपडावे. त्यानंतर मिश्रणात एक टीस्पून तेल घालावे आणि मिक्स करावे. आता तव्यावर धिरडे टाकावे. त्याच्या सर्व बाजूनी तेल टाकावे आणि मंद गॅसवर शिजू द्यावे.

एका बाजूने धिरडे शिजल्यानंतर दुसऱ्या बाजूला पलटून शिजवून घ्यावे. त्यानंतर गरम गरम सर्व्ह करावे चटणी किंवा सॉस बरोबर.