તુવેરની દાળને ધોઈને કુકરમાં પાણી ઉમેરી ને મીઠું સ્વાદાનુસાર મિક્સ કરો શીંગ નાખી દાળ ની ત્રણ સીટી મારી ને બાફી લો. પછી તેમાં મસાલા મિક્સ કરો લાલ મરચું, હળદર, ધાણાજીરું, મીઠું, સ્વાદાનુસાર ગોળ, ગરમ મસાલો, ટામેટા નાખી ને બરાબર હલાવી બે મિનિટ સુધી દાળ ને ઉકળવા દો..

પછી કઢાઇ માં તેલ ગરમ કરો તેમાં રાઈ, મેથી, જીરું, હીંગ, લવીંગ, તજ, તમાલપત્ર, લાલ મરચા, મીઠો લીમડો નાખી ને વઘાર કરી દાળ માં મિક્સ કરો. હવે દાળ ને ૫ મિનીટ સુધી ઉકળવા દો. પછી તેમાં કોથમીર નાખી સર્વ કરો.

ચણા ની દાળ ને કુકરમાં બાફી લો પછી બાઉલમાં કાઢી લો પછી તેમાં ગોળ અને ઈલાયચી મિક્સ કરો. ઘઉં ના લોટ માં દાળ મિક્સ કરી ને પાણી ઉમેરી ને લોટ બાંધી લો પછી બે મિનિટ સુધી રહેવા દો પછી તેની વેડમી વણી ને તેલ થી શેકી લો.

દાળ અને ચોખા ને ઘંટીમાં દળી લો પછી છાસ મા પલાળી રાખો. પછી તેમાં લસણ મરચા ની પેસ્ટ, અજમો ઉમેરો. તેલ ગરમ કરી તલ, રાઈ, જીરું, હીંગ, મીઠો લીમડો નાખી વગાર કરી ને ઢોકળા ના ખીરા માં રેડી દો.

ખીરા માં સોડા ઉમેરી મીક્સ કરી લો. પછી થાળીમાં પાથરી દો પછી તેને કુકરમાં સિટીમાં કરી લો. પાંચ મિનિટ સુધી ચઢવા દો પછી ઢોકળા તૈયાર.

ગરમા ગરમ ફૂલ ગુજરાતી થાળી નો આનંદ લો.