முதலில் பெரிய வெங்காயம்,பச்சை மிளகாய், கறிவேப்பிலை,கொத்தமல்லி, தக்காளி இவற்றை பொடியாக நறுக்கிக் கொள்ளவும். பின்பு ஒரு கிண்ணத்தில் பொடியாக நறுக்கிய வற்றை சேர்த்துக் கொள்ளவும்

மூன்று முட்டையை உடைத்து ஊற்றவும் அதில் சிறிதளவு மிளகுதூள்,தேவையான அளவு உப்பு,அரை தேக்கரண்டி சர்க்கரை, 2 மேஜைக்கரண்டி பால் சேர்த்து நன்றாக அடித்து வைத்துக் கொள்ளவும்.இப்போது முட்டைக் கலவை தயார்

ஒரு கடாயை வைத்து அதில் அரை தேக்கரண்டி வெண்ணையை உருக்கவும். பின்பு அதில் ஒரு குழி கரண்டி அளவு முட்டை கலவையை ஊற்றவும். இப்பொழுது முட்டை கலவையின் மேல் இரண்டு ரொட்டித் துண்டுகளை வைத்து வேகவிடவும்.ரொட்டி துண்டுகளின் மேல் சிறிதளவு வெண்ணையை சேர்க்கவும் முட்டை கலவை நன்றாக வெந்தபின் ரொட்டித்துண்டுகளை திருப்பி விடவும். பின்பு ஒரு ரொட்டித் துண்டை இன்னொரு ரொட்டி துண்டின் மேல் மூடவும்.சுவையான எக் பிரெட் சாண்ட்விச் தயார். எக் பிரட் சாண்ட்விச் உடன் தக்காளி சாஸ் வைத்து சாப்பிட்டால் சுவையாக இருக்கும்.