ஒரு பாத்திரத்தில் மைதா, எண்ணெய், பால்,சர்க்கரை மற்றும் தேவையான அளவு உப்பு சேர்த்துக் கொள்ளவும்.

அந்த கலவையை பரோட்டா மாவு பதத்திற்கு நன்றாக பிசைந்து கொள்ளவும்.

பிசைந்த மாவின் மேல் ஒரு டேபிள் ஸ்பூன் எண்ணெய் ஊற்றி 1/2 மணி நேரம் ஊற வைக்கவும்.

மற்றொரு பாத்திரத்தில் மூன்று முட்டைகளை உடைத்துக் கொள்ளவும்.

அதில் நறுக்கிய வெங்காயம்,தக்காளி, பச்சைமிளகாய், கொத்தமல்லி இலைகள், மஞ்சள் தூள் மற்றும் தேவையான அளவு உப்பு சேர்த்து நன்றாக ஒரு கரண்டி வைத்து அடித்துக் கொள்ளவும். (முர்தபா ஸ்டாப்பிங் தயார்)

இப்பொழுது பிசைந்து வைத்த மாவில் இருந்து சிறு சிறு உருண்டைகளாக பிரித்து வைத்துக் கொள்ளவும்.

அதில் இருந்து ஒரு உருண்டையை எடுத்து பரோட்டாவிற்கு தேய்ப்பது போல் மெலிதாக தேய்த்துக் கொள்ளவும்.

சூடான தோசை கல்லில் தேய்த்து வைத்த ரொட்டியை போடவும்.

ரோட்டின் நடு பகுதியில் 2 டேபிள்ஸ்பூன் அளவிற்கு அடித்து வைத்த முட்டை கலவையை சேர்த்தவுடன் ரொட்டியின் 4 பக்கங்களையும் நன்கு மடித்து விடவும்.

மிதமான தீயில் 1 டேபிள் ஸ்பூன் எண்ணெய் ஊற்றி இரு பக்கங்களையும் வேகவைத்து எடுத்தால் முர்தபா தயார்.