દહીં સેવપુરી (Dahi Sevpuri Recipe In Gujarati)

સૌ પ્રથમ ખજૂરને બાફીને ઠંડું કરી, ગોળ તથા ટામેટા સાથે મીક્ષરમા ક્રશ કરી, ગાળી લેવું. પછી તેમાં થોડું મીઠું- મરચું અને ધાણાજીરૂ નાખી સરસ રીતે હલાવી લેવું. એટલે ગળી ચટણી તૈયાર.

કોથમીર-મરચાંને મીક્ષરમાં નાખી ક્રશ કરી લેવું. પછી તેમાં અડધા લીંબુનો રસ, ૧ ટી સ્પૂન ખાંડ તથા સ્વાદ મુજબ મીઠું નાખીએ એટલે ગ્રીન તીખી ચટણી તૈયાર. હવે લસણને ફોલીને મીક્ષરમાં નાખવું. પછી તેમાં જીરૂ, લાલ મરચું, મીઠું તથા થોડું પાણી નાખી ક્રશ કરી લેવું. એટલે લસણની ચટણી તૈયાર.

હવે એક એક પૂરી લઈ તેમાં કાંણા પાડીને તેમાં થોડા થોડા બટાકા, કાંદા અને ટામેટા ભરી ડીશમાં મુકવી. હવે તેમાં ત્રણેય ચટણી નાખવી. એના પર દહીં નાખી તેના પર ચાટ મસાલો ભભરાવવો. પછી તેના પર થોડી થોડી સેવ અને બુંદી પાથરવી. અને છેલ્લે તેના પર કોથમીર ભભરાવવી. આપણી એકદમ ટેસ્ટી દહીં સેવપુરી તૈયાર છે😋😋😋☺️