दूधीला खुप पाणी सुटते म्हणून आधी कोफ्ते करून घ्यावे. दुधी स्वच्छ धुवून साले काढून किसून घ्यावा.

किसलेला दुधी घट्ट पिळून त्यातील पाणी काढून टाकावे. त्यात सर्व मसाले, आले लसूण पेस्ट, कोथिंबीर आणि तीळ घालून तांदुळाचे पीठ आणि थोडं थोडं बेसन घालून मिक्स करून घ्यावे. पीठ जास्त घट्ट करू नये.

तयार मिश्रणाचे छोटे छोटे गोळे करून ते गॅस मध्यम आचेवर ठेवून तळून घ्यावेत.

ग्रेव्ही करण्यासाठी कांदा उभा आणि टोमॅटो चिरुन घ्यावे. लसूण सोलून घ्यावा.

गॅसवर एका पॅन मध्ये थोडं तेल घेऊन त्यात कांदा परतुन घ्यावा. त्यानंतर त्यात सर्व खडे मसाले, काजू, आले लसूण घालून चांगले परतुन घ्यावे.

परतलेले कांदा टोमॅटो थंड झाल्यावर मिक्सर मधून वाटून घ्यावे. ग्रेव्ही तयार.

गॅसवर पॅन मध्ये तेल घालून ते तापल्यावर त्यात जिरें घालावे. तमाल पत्र घालावे. तयार केलेली ग्रेव्ही घालून तेल सुटे पर्यंत परतुन घ्यावे. त्यात तिखट, काश्मिरी मसाला, हळद, मीठ घालून ढवळून घ्यावे.आवश्यक तेव्हढे पाणी घालावे. उकळी आल्यावर त्यात तयार केलेले कोफ्ते सोडावेत. वरून कोथिंबीर घालावी.दुधी कोफ्ता करी तयार.

दुधी कोफ्ताकरी पोळी, पराठा किंवा भाता बरोबर सर्व्ह करावा