સ્ટફિંગ બનાવવા માટે : પહેલા એક કડાઈ ગેસ પર મૂકી, તેમાં તેલ નાખી જીરૂ તેમજ હિંગ નાંખી ગરમ થવા દો.

તેલ ગરમ થઇ જય એટલે તેમાં ડુંગળી નાખી સાંતળી લો. ૫૦% ડુંગળી થઇ જાય એટલે તેમાં સમારેલા મરચાં તેમજ ગાજર નાંખી દો. આ બધું ધીમા તાપ પર સાતળવું. ગાજરના પ્રમાણમાં ઘટાડો જણાય એટલે તેમાં કોથમીર તેમજ ફુદીનો નાખી ઉપરથી બધા કોરા મસાલા નાખી દો અને ઢાંકીને ૨ થી ૩ મિનિટ પકવો દો.

મિશ્રણને એક પ્લેટમાં કાઢી ઠંડુ થવા દો.

લોટ બાંધવા માટે : એક વાસણમાં લોટ લઈ, તેમાં બધા કોરા મસાલા નાખી રોટલી જેવો લોટ તૈયાર કરી લો.

૧૦ મિનિટ જેવું તેને રાખી મુકો. હવે તેમાંથી મુવા તૈયાર કરી થોડું વણી, વચ્ચે ગાજરનું સ્ટફિંગ ભરીને પોટલી વાળી, કોરા લોટ માં રગદોળી લઈને પરાઠા જેવું વણી લો.

હવે તવા પર બંને બાજુ તેલ મૂકી સેકી લો.

તૈયાર છે ગાજરના પરોઠા. ઉપરથી પનીર,કોથમીર તેમજ ગાજર નું છીણ મૂકી અથાણાં સાથે અથવા ચા સાથે સર્વ કરો.