ஒரு பாத்திரத்தை எடுத்துக் கொள்ளவும் அதில் கோதுமை மாவு,ரவா, மைதா மாவு மூன்றையும் போட்டு தேவையான அளவு உப்பு போட்டு ஒரு வாழைப் பழத்தையும் போட்டு நன்கு பிசைந்து கொள்ளவும்.

அடுப்பில் ஒரு பாத்திரத்தை வைத்து வெல்லத்தைப் போட்டு அரை டம்ளர் தண்ணீர் ஊற்றி நன்கு கொதிக்க விட்டு வடிகட்டி எடுத்துக் கொள்ளவும்.

இடிகல்லில் ஏலக்காய்களை போட்டு நன்கு இடித்து தூளாக்கிக் கொள்ளவும்.

மாவில் வெல்லப்பாகை ஊற்றி ஒரு கரண்டியால் கிளறி விடவும். ஏலக்காய்த்தூளை போட்டு கெட்டி பதத்திற்கு கரைத்துக் கொள்ளவும்.

அடுப்பில் ஒரு கடாயை வைத்து பொரிக்கத் தேவையான அளவு எண்ணெய் ஊற்றி காய்ந்ததும் சின்ன குழிக்கரண்டியால் மாவை எடுத்து எண்ணெயில் ஊற்றவும்.ஒரு பக்கம் வெந்தவுடன் மறுபக்கம் திருப்பி போட்டு வேக வைத்து எடுக்கவும்.