तांदूळ, आधी अर्धा तास भिजत घालावे. पाण्यातून काढून निथळून घ्यावे. त्यानंतर, गॅसवर एका पॅनमध्ये तूप टाकून त्यात तांदूळ, सोनेरी रंगावर भाजून घ्यावे.

त्यानंतर तांदूळ एका भांड्यात काढून घेऊन त्यामध्ये हे एक कप गरम दूध टाकावे. आणि एक तास झाकून ठेवावे. आता मिक्सरच्या भांड्यात भिजलेले तांदूळ, काजूची पूड आणि बदामाचे पूड टाकावी. गरजेनुसार त्यात दूध टाकून थोडी पातळसर पेस्ट करून घ्यावी. म्हणजे दुधात टाकल्यानंतर त्याच्या गुठळ्या होणार नाहीत.

थोड्या कोमट दुधात केशर टाकून ठेवावे. आता गॅसवर पॅन मधे दुध उकळवण्यासाठी ठेवावे. दुधाला उकळी आली की त्यात तांदळाचे तयार पेस्ट टाकावे.पेस्ट टाकताना सतत फिरवत राहावे.

त्यानंतर त्यात साखर टाकावी. बारीक केलेले तांदूळ शिजेपर्यंत, कमी गॅसवर ढवळत राहावे. म्हणजे बुडाला लागणार नाही. त्याचप्रमाणें त्यात केशराचे दूध टाकून घ्यावे.

तोपर्यंत सुकामेवा थोड्या तुपात परतून घ्यावा. तांदूळ शिजले, की गॅस बंद करावा. त्यात सुकामेवा, चारोळी, वेलची पूड, जायफळ पूड घालून मिक्स करून घ्यावे.

अशाप्रकारे तांदुळाची, स्वादिष्ट खीर तयार आहे. आता ही खीर तुम्ही, जेवणासोबत गरमागरम खाऊ शकता, किंवा फ्रीज मध्ये ठेवून, थंड करून डेझर्ट म्हणून, सर्व्ह करू शकता, मनाप्रमाणे सजावट करून.. पण आम्ही मात्र, गरमागरम, पोळी सोबत ही खीर खाल्ली..