भोपळा सोलून त्याच्या फोडी करून घ्याव्यात.

केसर थोड्या कोमट दुधात टाकून ठेवावे. भोपळ्याच्या फोडी कुकरमध्ये शिजवून घ्याव्यात. त्यानंतर शिजलेल्या फोडी, रवीने घोटून घ्याव्यात.

आता गॅसवर एका कढईत तूप टाकून त्यात घोटलेला भोपळा टाकावा. थोडा घट्ट होईपर्यंत शिजवून घ्यावा.

तोपर्यंत एका बाजूला दूध आटवायला ठेवावे. आता थोडा घट्ट झालेल्या भोपळ्यात साखर टाकून मिक्स करावे. साखर पूर्ण विरघळू द्यावी.

त्यानंतर त्यात आटविलेले दूध टाकावे. आणि दोन तीन उकळ्या येऊ द्याव्यात.

आता त्यात सुकामेवा, आणि केसर आणि वेलची पूड, टाकावे.

पुन्हा एक उकळी आली की गॅस बंद करावा. लाल भोपळ्याची खीर तयार आहे. ही खीर गरम किंवा थंड कशीही खाऊ शकतो. खाताना आवडत असेल तर वरून तूप घ्यावे. अतिशय चविष्ट अशी खीर लागते ही.