सर्व भाज्या स्वच्छ धुवून आणि चांगल्या कोरड्या करून बारीक चिरून घ्याव्यात, त्याचवेळी एका छोट्या कढईत तेल गरम करत ठेवून ते कडकडीत गरम झाल्यावर गार होण्यासाठी बाजूला ठेवून द्यावे.

आता सर्व भाज्या एकत्र एका भांड्यात घेऊन त्यावर लोणच्याचा मसाला आणि मीठ घालावे. मसाला आणि मीठ सगळीकडे एकसारखा लागेल याप्रमाणे ढवळून घ्यावा. नंतर गरजेनुसार लिंबु पिळून परत ढवळावे.

सर्वात शेवटी गार झालेले तेल वरील मिश्रणात घालावे आणि ढवळावे आणि हे तयार लोणचे बरणीत भरून ठेवावे. (शक्यतो फ्रिजमध्ये ठेवावे 8 ते 15 दिवस हे चांगले टिकते)

टीप- मसाल्यात जर आधीच मीठ असेल तर वरून वेगळे मीठ घालण्याची गरज नाही.