સૌ પ્રથમ કૂકરમાં લીલા વટાણા, બટાકા લઈ તેમાં જરૂર મુજબ પાણી ઉમેરી બાફવા મૂકો. ૩ વિસલ થાય એટલે ગેસ બંધ કરી કૂકર ઠંડુ પડે એટલે બટાકાને છોલીને મધ્યમ સમારી લો. વટાણાને પાણી સાથે એક બાઉલમાં કાઢો.

મીક્ષર જારમાં ટામેટા, લીલા મરચા અને આદુ સમારીને ક્રશ કરીને પેસ્ટ તૈયાર કરો. જો કાંદા-લસણવાળું શાક બનાવવું હોય તો એક મોટો કાંદો અને પાંચ કળી લસણ ઉમેરીને પેસ્ટ બનાવો.

એક કઢાઈમાં તેલ ગરમ કરી તેમાં જીરું અને હીંગ મૂકો તતડે પછી તેમાં બનાવેલી ટામેટાની પેસ્ટ તેમાં ઉમેરો. લાલ મરચું, હળદર, ધાણાજીરું, મીઠું ઉમેરી મિક્સ કરો. તેલ છૂટું પડે ત્યાં સુધી ફ્રાય કરો.

તેમાં બાફેલા વટાણા અને સમારેલા બાફેલા બટાકા ઉમેરો. રસાવાળું શાક કરવું હોય તો તેમાં જરૂર મુજબ આશરે પોણો ગ્લાસ જેટલું પાણી ઉમેરો. થોડું ઉકળે પછી તેમાં ગરમ મસાલો ઉમેરી ઢાંકીને થોડીવાર માટે પકાવો.