સૌ પ્રથમ એક બાઉલમાં મેંદો, મીઠું, તેલ લઈ રોટલી ના જેવો લોટ બાંધી લેવો અને ૧૫ મિનિટ રેસ્ટ આપવો. ત્યારબાદ તેમાંથી નાનું ગુલ્લુ લઈ એકદમ પાતળી રોટલી વણી લેવી. આ રીતે રોટલી બનાવી છુટી મુકતા જવી જેથી ભેજ નું પ્રમાણ બીલકુલ ના રહે.

હવે એક પેનમાં તેલ ગરમ કરી લીલા આદુ-મરચા-લસણની પેસ્ટ સાંતળી ડુંગળી સાંતળો. ડુંગળી ટ્રાન્સપરન્ટ થાય એટલે રેડ ગ્રેવી માટે ના બઘાં જ ઈનગ્રીડિયન્ટસ્ અને ૧ ગ્લાસ પાણી ઉમેરીને ૧૦ મિનીટ ચઢવા દો. હવે ગેસ ઓફ કરી એક બાઉલમાં કાઢી લો.

ત્યારબાદ એક પેનમાં તેલ ગરમ કરી લીલા આદુ-મરચા-લસણની પેસ્ટ સાંતળી ડુંગળી સાંતળો. ડુંગળી ટ્રાન્સપરન્ટ થાય પછી ટામેટા, કોબીજ, ગાજર, કેપ્સીકમ, મકાઈ ના દાણા તેમજ ઉપર જણાવેલા બધા જ ઈનગ્રીડિયન્ટસ ઉમેરી સરસ રીતે મિક્સ કરી એક બાઉલમાં કાઢી લો.

હવે એક નોનસ્ટિક પેનમાં પહેલા બે ચમચા રેડ ગ્રેવી પાથરી ઉપર લઝાનીયા સીટ મુકી ફરી રેડ ગ્રેવી પાથરો ઉપર વેજ કોર્ન મિક્સ મસાલો પાથરવો તેની ઉપર ચીઝ ભભરાવી બીજી સીટ મુકી આ જ રીતે બીજા ૨ (બે) લેયર કરી ઉપર રેડ ગ્રેવી થોડું વેજ કોર્ન મિક્સ,ઓલીવ્સ, રેડ ચીલી ફ્લેક્સ, ઓરેગાનો ભભરાવી ૨૦ મિનિટ એકદમ સ્લો ફલેમ પર પકાવો.

ત્યારબાદ એક સર્વિગ પ્લેટમાં લઈને ગરમાગરમ સર્વ કરો.