સૌ પ્રથમ મેથી ના દાણા આખી રાત પાણી માં પલાળી બીજા દિવસે સવારે ચારણી માં કાઢી લેવા. ત્યારબાદ ૨ થી ૪ વાર ચોખ્ખા પાણીથી ધોઈ કોટન ના કપડાં પર ૧ કલાક પાથરી રાખવા જેથી પાણી શોષાઈ જાય.

ત્યારબાદ એક પેનમાં મેથીના દાણા લાઈટ બ્રાઉન થાય ત્યાં સુધી સેકવા જેથી વઘારા નું પાણી પણ શોષાઈ જાય. હવે એક થાળીમાં મેથી ના દાણા ની ૩ અલગ લાઈન કરવી. વચ્ચે ની લાઈન માં સમાય તેટલા રાઈના કુરિયા ભરવા (અનુમાન ૩ થી ૪ ચમચી)

હવે મેથી દાણા ની આજુબાજુ ની લાઈન માં ધાણા ના કુરિયા ભરવા અને છેલ્લે બંને લાઇન માં મેથી ના કુરિયા ભરવા. વચ્ચે ની લાઈન માં ૧ અને ૧ એમ ૨ ચમચી મીઠા ની ઢગલી કરવી જેમાં વચ્ચે ૧ ચમચી હળદર ભરવી..વચ્ચે ૧ ચમચી ખાંડ ની ઢગલી કરવી જેમાં વચ્ચે હિંગ ભરવી આ એક અથાણા ના મસાલા નું માપ કાઢવા ની જુની પદ્ઘતિ છે જે મેં અહીં ફોલો કરેલ છે. આનાથી પરફેક્ટ માપ મળી રહે છે.

જો અથાણું બનાવતા ન આવડતું હોય તો પણ પ્રોપર ટેસ્ટ આવે છે. હવે સહેજ હુંફાળું તેલ હિંગ ઉપર રેડી બઘો મસાલો મિક્સ કરી વરિયાળી ભભરાવી, લીંબુનો રસ એડ કરી ફરી મિક્સ કરી ને કાપા પાડેલા મરચાં માં ભરી દેવું ત્યારબાદ એક એર ટાઈટ કન્ટેનરમાં ભરી ફ્રીઝ માં ૧૦ થી ૧૨ દિવસ સ્ટોર કરી એન્જોય કરો.