સૌપ્રથમ એક થાળીમાં મેંદો અને ઘઉં નો લોટ લઈ તેમાં મીઠું અને ઉપર જણાવેલ બધા સુકાં મસાલા ઉમેરો.એક વાટકી માં દૂધ ને નવસેકુ ગરમ કરો.બીજા બાઉલમાં ખાંડ લઈ તેમાં દૂધ નાખી બરાબર મિક્સ કરો અને તેમાં એક ચમચી ડ્રાઈ યીસ્ટ નાખી હલાવી ઢાંકી દો ૧૦ મિનિટ માટે.ફુલી જાશે.

હવે તેને લોટ માં નાખી બરાબર મિક્સ કરો અને બટર ઉમેરી ને ૧૦ મિનિટ સુધી મસળી ને ડો તૈયાર કરી લો.હવે તેલ લગાવી ૧૧/૨ કલાક માટે ગરમ જગ્યાએ મૂકી દો જેથી લોટ ફૂલી ને ડબલ થઇ જાય.

ત્યાં સુધી સ્ટફિંગ ની તૈયારી કરી લો.પનીર ને નાના ટુકડા કરી લો.હરીસા પેસ્ટ અને મેયોનીઝ મીક્સ કરી લો.

એક પેનમાં બટર ગરમ કરો તેમાં લસણ છીણી ને નાખી લો.ઉપર જણાવેલ બધા સુકાં મસાલા ઉમેરો અને પનીર નાખી બરાબર મિક્સ કરો.એક ચમચી હરીસા પેસ્ટ પણ ઉમેરો અને બરાબર મિક્સ કરો.સ્ટફિગ ને ઠંડું કરવા માટે મૂકી દો.

હવે આપણે ડો તરફ જઈએ.જુવો ફૂલી ને ડબલ થઇ ગયો છે.હવે એર નીકળી જાય પછી બે મિનિટ સુધી મસળી લો.તેમાથી ચાર લુવા કરી લો અને વણી ને રોટલી બનાવી લો.

હવે એ રોટલી ના ખૂણા વાળી ને ત્રિકોણ આકાર આપો.વચ્ચે ડીપ મૂકી સ્ટફીગ મૂકી દો અને પછી તેમાં ચીઝ છીણેલું મૂકી ચીલી ફ્લેક્સ ઓરેગાનો ભભરાવો.

ત્રણેય ખુણા પર પાણી લગાડી બંધ કરો.બેકિંગ ટ્રે માં મૂકી દો.ઓવન ને પ્રીહીટ કરી લો.ઉપર બટર લગાવી દો.

૧૮૦ ડીગ્રી પર ૧૫-૧૮ મીનીટ સુધી બેક્ડ કરો.બહાર નીકાળ્યા પછી તેમાં ફરી બટર લગાવી દો.તૈયાર છે આપણા ડોમિનોઝ સ્ટાઈલ પનીર ચીઝ ઝીંગી પાર્સલ...