મરી, અજમો, અને આખા ધાણા ને સેકી લ્યો. પછી એક ખાંણની માં લય કસૂરી મેથી નાખી વાટી લો. કાંદો, લસણ આદુ, ધાણા બધું તૈયાર કરી દો. એક થાળી માં બન્ને લોટ ચાળી લો.

હવે લોટ માં બધા મસાલા ઘી. બધું મિક્સ કરી લ્યો. પછી ધીમે ધીમે બે ત્રણ ચમચી પાણી ઉમેરી લોટ બંધાતા જાઓ જરૂર પડે એમ પાણી ઉમેરવું રોટલી જેવો પોચો લોટ બાંધી 10 મિનિટ રેહવા દો.

હવે ચાર લુવા પાડી દો. તાવી ગરમ કરવા મૂકી રોટલી અટામણ લય વણી લ્યો થોડી જાડી જ વણવી. હવે એક સાઈડ પર હાથ વડે બરાબસર પાણી લગાવી દો. ગેસ એકદમ ધીમો કરી પાણી વાળો ભાગ તાવી પર ચોંટે એ રીતે રોટલી તાવી પર નાખી ને હાથ વડે હળવા હાથે પ્રેસ કરી ચારે બાજુ દબાવી ફુગરી જેવું થાય ત્યાં સુધી થવા દઈ પછી તાવી ઉંધી કરી રોટલી સરસ લાલ થાય એવી સેકી લ્યો.

હવે તાવી ચત્તી કરી ગેસ ધીમો કરી રોટલી ઉતારી લ્યો પછી દહીં કે આચાર સાથે સર્વ કરો. મસાલો જે મેં સેક્યો અને કસૂરી મેથી નાખી વાટી ને રોટી ના લોટ માં ઉમેર્યો એ નો સ્વાદ અને અરોમા એટલી સરસ હોઈ કે રોટી શેકાતી હોઈ ત્યારે જ ખાવાની ઈચ્છા થઈ જાય. માટે આ પ્રોસિજર જરૂર કરજો.