એક નોનસ્ટિક પેનમાં 2 ટેબલ સ્પૂન તેલ મૂકી લસણ સાંતળી લેવું. ત્યારબાદ તેમાં૧/૨ કપ પાણી રેડવું. જેટલો રવો હોય તેટલું જ પાણી રેડવું. પાણી ઉકળે એટલે તેમાં મીઠું 'ચીલી ફ્લેક્સ નાખી હલાવવું. પાણી એક મિનિટ ઉકાળ્યા પછી તેમાં રવો નાખી બરાબર હલાવવું. ત્રણથી ચાર મિનિટ સુધી તળીયે ચોંટી નહીં એ રીતે હલાવવું.

રવો બરાબર મિક્સ થઇ જાય પછી બાફેલ બટાકાનું છીણ નાખી ફરીથી ત્રણથી ચાર મિનિટ માટે બરાબર હલાવી લેવું. એક વાસણમાં કાઢી અને ઠંડું પાડવું. ઠંડું પડે એટલે રોટલીના લોટ ની જેમ બરાબર મસળી લેવું.

લોટ બરાબર મસળાય જાય પછી તેમાં કોર્નફ્લોર ઉમેરી ફરીથી લોટને મસળો. લીલા ધાણા નાંખી અને મિક્સ કરી લેવું.

હવે આ લોટના લોયા બનાવી તેને વણી લેવા. બહુ પાતળા ન વણવા. ત્યારબાદ તેમાં કોઈ ડબ્બી નું ઢાંકણ અથવા મોલ્ડથી રીંગ શેપ આપી દેવો.