250 ગ્રામ ઘઉં નો લોટ, 150 ગ્રામ દળેલી ખાંડ તથા 1 -1 ટે -ચમચી બેકિંગ પાઉડર અને બેકિંગ સોડા લઇ તેને ચારણી વડે એક મોટા વાસણ /બાઉલ માં ચાળી લો. ત્યારબાદ મિશ્રણ ને સરખું મિક્સ કરી લો.

તેમાં 50 ગ્રામ જેટલું બટર અને 2 ટે -ચમચી મેંગો એસેન્સ ના ટીપાં નાખો. પછી 100 થી 150 ગ્રામ જેટલું દૂધ લઇ મિશ્રણ માં જરૂર જણાય તેમ થોડું થોડું નાખતા જવું. બેટર વધારે પાતળું કે જાડું ના રહે તેનું ધ્યાન રાખી દૂધ ઉમેરવું. બેટર ને વિસ્ક બીટર વડે 5 મિનિટ સુધી સતત હલાવતા રહેવું.

ધાતુ ની તપેલી લઇ તેમાં તેલ /બટર ચોપડો. જેથી કેક બળી કે ચોંટી ના જાય. તેમાં તૈયાર કરેલું બેટર નાખી ગેસ પર મીડિયમ હિટ રાખી 40-45 મિનિટ સુધી બેક થવા દો.

કેક બેક થઇ જાય એટલે તેને 15-20 મિનિટ ઠંડુ થવા રેસ્ટ આપો. ત્યારબાદ કેક ને ધીરે થી કાઢી લો. કેક ને સરખા 3 ભાગ માં કટ કરી લો. કેક ના 3 નેવ ભાગ પર પીંછી વડે તૈયાર કરેલું સીરપ લગાવો.

5-6 નંગ કેસર /રત્નાગીરી મેંગો લઇ ધોઈ તેના છોળા અલગ કરો. મેંગો ની લાંબી અને પાતળી સ્લાઈસ કરી લો. 1 મેંગો ના નાના ટુકડા કરી લો.

ત્યારબાદ કેકના નીચેના ભાગ માં વેનીલા વહીપ્ડ ક્રીમ લગાવો.તેના ઉપર મેંગો ના ટુકડા ગોઠવો. આવી જ રીતે કેક ના 3 લેયર બનાવો. પછી વહીપ્ડ ક્રીમ લગાવી આખા કેક ને કવર કરી લો.

મેંગો ની સ્લાઈસ લઇ ફોટો માં બતાવ્યા મુજબ કેક પર ગોઠવો.