સૌપ્રથમ એક બાઉલમાં ઘઉ નો લોટ લઈ તેમાંતેલ નું મોણ નાખી પાણી ઉમેરી રોટલી જેવો લોટ બાંધવો પછી તેના નાના નાના લુઆ કરી પાટલી પર રોટલી વણી લેવી.

ત્યારબાદ ગેસ પર તાવી મુકી રોટલી ને શેકી લેવી.ત્યારબાદ બટાકા, કાંદા, કાકડી, ટામેટા ની સ્લાઇસ કરવી અને કેપ્સીકમ ની રીંગ કરવી.

ત્યારબાદ એક રોટલી લઈ તેના પર લીલી ચટણી લગાવી ઉપર બટાકા ની સ્લાઇસ અને કેપ્સીકમ ની રીંગ મુકી ઉપર સેન્ડવીચ મસાલો, મરી પાઉડર, ચાટ મસાલો અને મીઠું ભભરાવી ઉપર ચીઝ છીણી લેવું.ફરી બીજી રોટલી લઈ ઉપર લીલી ચટણી લગાવી ઉપર કાકડી ની સ્લાઇસ અને ટામેટા ની સ્લાઇસ મુકી ઉપર સેન્ડવીચ મસાલો, મરી પાઉડર, ચાટ મસાલો અને મીઠું ભભરાવી ઉપર ચીઝ છીણી લેવું.

ત્યારબાદ આ જ રીતે ત્રીજી રોટલી પર ફરી લીલી ચટણી લગાવી ઉપર કાંદા ની સ્લાઇસ મુકી ઉપર સેન્ડવીચ મસાલો, મરી પાઉડર, ચાટ મસાલો અને મીઠું ભભરાવીને ઉપર ચીઝ છીણી ચોથી રોટલી મુકી ગેસ પર પેન મુકી તેમાં બટર મુકી રોટી સેન્ડવીચ બંને બાજુ કિસ્પી થાય ત્યા સુધી શેકી લેવું.

ત્યારબાદ શેકાય જાય એટલે પેનમાં થી કાઢી ડીસમા લેવું. હવે તેના પીસ કરી ઉપર ચીઝ છીણી લીલી ચટણી અને સોસ સાથે સવ કરવા માટે ગરમાગરમ આ ટેસ્ટ ફુલ રોટી સેન્ડવીચ તૈયાર છે.