એક નોનસ્ટિક પેનમાં ઘી ગરમ કરવા મુકો, ઘી પીગળી જાય પછી તેમાં બે ચમચી જેટલું દૂધ ઉમેરો, હવે ચપટી કેસર ઉમેરો, ત્યારબાદ મેંગો પલ્પ ઉમેરો, હવે બધું મિક્સ કરી મિડિયમ ગેસ પર હલાવતા રહો.

હવે તેમાં ખાંડ ઉમેરો અને ખાંડને સરસ રીતે મિશ્રણમાં મિક્સ કરો, ખાંડ ઓગળી જાય પછી તેમાં દૂધનો પાઉડર ઉમેરો પછી તેમાં કાજુનો પાઉડર ઉમેરો અને બધું મિક્સ કરો એમાં ગઠ્ઠા ન પડે તેનું ધ્યાન રાખો.

એકદમ મીડીયમ ગેસ પર હલાવતા રહો હવે જે મિશ્રણ કઠણ થતું જશે તેમ તેમ કડાઈમાં થી છુટું પડતું જશે.

હવે તેમાં ઇલાયચી પાઉડર ઉમેરો બધું મિશ્રણ જ્યાં સુધી કઢાઈ માંથી છૂટું ન પડે ત્યાં સુધી હલાવો.

હવે એક નરમ લોટ બાંધ્યો હોય તેવું મિશ્રણ તૈયાર થાય એટલે ગેસ બંધ કરી મિશ્રણ ને એક પ્લેટમાં કાઢો.

પાંચ મિનિટ માટે ઠંડું પડવા દો, હવે મિશ્રણ ઠંડું થઈ જાય એટલે તેના નાના નાના પેંડા વાળી તેને હથેળીથી થોડા ચપટા દબાવી દો.

તો તૈયાર છે તમારા મેંગો ના પેંડા. આ પેંડા ખુબ જ સરસ બને છે.