સૌ પ્રથમ 500 ગ્રામ મકાઈ બાફી લો. હવે મકાઈના દાણા પાડી લો. 500 ગ્રામ મકાઈ છીણી લો. કેપ્સીકમ ના ઝીણા ઝીણા ટુકડા કરી લો. ડુંગળી ના પણ ઝીણા ઝીણા ટુકડા કરી લો. બટાકા બાફી લો. હવે તેની છાલ ઉતારી લો. હવે બટાકાનો માવો બનાવો.

તેમાં બાફેલી મકાઈ, કાચી મકાઈ, કેપ્સિકમના ટુકડા, ડુંગળીના ટુકડા, બટાકાનો માવો,આદુ મરચાની પેસ્ટ, લસણની પેસ્ટ, લીલી કોથમીર,રવો, ચણાનો લોટ, પ્રમાણસર મીઠું લો. આ બધી વસ્તુ ને થોડું થોડું બીજા બાઉલમાં લઈ સારી રીતે મિક્સ કરી લો. બધો માવો સાથે બનાવો નહીં નકર ઢીલો પડી જાય.

હવે એક કઢાઈમાં તેલ મૂકો. તેલ ગરમ થાય એટલે તેમાં નાના નાના વડા પાડી લો. હવે બ્રાઉન કલરના થાય. એટલે કાઢી લો. હવે એક ડીશમાં વડા લઇ. તેને આમલીની ચટણી કે સોસ સાથે સર્વ કરો.