એક બાઉલ માં બટર, કેસ્ટર ખાંડ અને બ્રાઉન ખાંડ ઉમેરી મિક્સ કરી વેનીલા ઍસેન્સ ઉમેરી ફરીથી બરાબર મિક્સ કરવું. ત્યારબાદ દૂધ ઉમેરી ફરીથી બરાબર મિક્સ કરવું. ત્યારબાદ મેંદો, બેકીંગ સોડા, બેકીંગ પાઉડર બધું એક બાઉલ માં બટર અને ખાંડ વાળા મિશ્રણ માં બે ભાગ માં ઉમેરી મિક્સ કરવું.

મિક્સ કર્યા પછી તેમાં ચોકો ચિપ્સ ઉમેરી ફરીથી મિક્સ કરવું. (ચોકો ચિપ્સ નાં હોઈ તો ચોકલેટ નાં ટુકડા ઉમેરી શકાય) અને કવર કરી ૩૦ મિનિટ રેફ્રીજરેટ કરવું.ત્યાં સુધી નુટેલ્લા ચોકલેટ સ્પ્રેડ ને એક પ્લેટ માં બટર પેપર પર ૧ નાની ચમચી જેટલું સ્કૂપ કરી ૩૦ મિનિટ સુધી ફ્રિઝ કરવું.

૩૦ મિનિટ પછી ડો ને કૂકીઝ નો ગોળ આકાર આપી ફ્રિઝ કરેલા નુટેલ્લા બોલ્સ ને કૂકીઝ ની વચ્ચે મૂકી કવર કરવું અને હળવે થી ફ્લેટ કરવું વધારે નહિ. એવી રીતે બધી કૂકીઝ તૈયાર કરવી.

કૂકીઝ નાં આ ડો ને ૨ દિવસ સુધી પણ ફ્રિઝ માં રાખી શકાય છે. એક પેન માં ૧ વાટકી જેટલું મીઠું લઇ ઉપર એક સ્ટેન્ડ મૂકવું એના ઉપર એક સ્ટીલ ની પ્લેટ મૂકી પ્લેટ ને ફોઇલ પેપર થી કવર કરી પેન ને ઢાંકીને ૭-૮ મિનિટ સુધી ફાસ્ટ ગેસ પર ગરમ કરી પ્રી હિટ કરવું.

પ્રી હિટ થાય એટલે પ્લેટ ઉપર બટર પેપર રાખી કૂકીઝ ગોઠવવી (કૂકીઝ વચ્ચે જગ્યા વધારે રાખવી કારણકે કૂકીઝ ફૂલશે) અને ઉપર ચોકો ચિપ્સ લગાવી ને ૧૮-૨૦ મિનિટ સુધી ધીમી આંચ પર બેક કરવી. બેક થાય એટલે વાયર સ્ટેન્ડ પર ઠંડી કરવી અને કૂકીઝ ને બાઈટ કરી મેલ્ટેડ નુટેલ્લા ની મજા માણવી.