આખા લાલ મરચા ના ડીંટા અને બી કાઢીને તેના ટુકડા કરી લો પછી તેમાં મીઠું અને હળદર ઉમેરી બરાબર મિક્સ કરી લો હવે ઢાંકીને તેને આથી છ કલાક રહેવા દો તો પછી ચારણીમાં કાઢી ને બે કલાક રહેવા દો જેથી તીખાશ વાળું વધારાનું પાણી બધું નીકળી જાય.

ગોળને ઝીણો સમારી લો અથવા તો પછી છીણી લો. એક એક ચમચી આખા ધાણા, જીરુ અને વરિયાળી લઈને તેને સહેજ અધકચરા કરી લો હવે બાકીની એક ચમચી છે આખા ધાણા, વરીયાળી અને જીરૂ લઈ તેને વાટી ને ઝીણો પાઉડર કરી લો.

એક કડાઇમાં તેલનો વઘાર મૂકી તેમાં અધકચરા કરેલા ધાણા જીરુ અને વરિયાળી ઉમેરો પછી તેમાં કાશ્મીરી લાલ મરચું પાઉડર અને ગોળ ઉમેરી ની સતત ત્રણથી ચાર મિનિટ હલાવો.

હવે તેમાં લાલ મરચાના ટુકડા, રાઈના કુરિયા, મેથીના કુરિયા, ચપટી હળદર, મીઠું, ઝીણા વાટેલા ધાણા,જીરુ અને વરીયાળીનો પાઉડર ઉમેરીને સતત બેથી ત્રણ મિનિટ હલાવી પછી એક લીંબુના ટુકડા અને બે લીંબુનો રસ ઉમેરો અને એકથી બે મિનિટ બરાબર હલાવી ગેસ બંધ કરી દો.

તો તૈયાર છે આપણું ગળ્યું ભીખુ એવું ચટપટું ગોળ મરચાનું અથાણું.