સૌ પ્રથમ ગેસ ચાલુ કરી, મોટી તાવડીમાં તેલ લેવું. તેલ ગરમ થાય એટલે તેમાં લસણ સાંતળવું. પછી તેમાં આદુ નાખી હલાવી લેવું.

ત્યારબાદ એક પછી એક ફણસી, કેપ્સીકમ, ગાજર, લીલી ડુંગળી, લીલું લસણ, લીલું મરચુ તથા કોબીજ નાંખતા જવું અને હલાવતા જવું. (ખાસ ધ્યાન રાખવું કે બધી શાકભાજીને વધારે પકવવાની નથી) (તમે બ્રોકલી, સેલરી, મશરૂમ વગેરે પણ નાખી શકો)

હવે તેમાં ૪ કપ સ્ટોક (અથવા પાણી) ઉમેરવું. બધુ સરસ રીતે હલાવતા જવું. ત્યારબાદ તેમાં રેડ ચીલી સોસ તથા સોયાસોસ નાખી સરસ મીક્ષ કરવું. ત્યારબાદ વિનેગર નાખી હલાવી લેવું.

હવે એક વાડકીમાં કોર્નફ્લોર લઈ તેમાં ર ટે. ચમચી પાણી નાખી ગઠ્ઠા ના રહે તે રીતે હલાવી લેવું. પછી તેને સુપમાં ધીરે ધીરે નાંખતા જવું અને હલાવતા જવું.

હવે તેમાં સ્વાદ મુજબ મીઠું નાખી હલાવી લેવું. સુપ સરસ બની ગયું છે. ગેસ બંધ કરી દેવો. અને સુપને સર્વિંગ બાઉલમાં કાઢી સેવું. અને તેના પર કોથમીરથી ગાર્નિશ કરવું.

🔷સ્ટોક બનાવવાની રીત :-
૧) ગેસ ચાલુ કરી તેના પર મોટા વાસણમાં ૧ લીટર પાણી લેવું.
૨) તેમાં બધી શાકભાજીના ૨-૨ ટુકડા (વધારાની ડાળખીઓ જે આપણે ફેંકી દેતા હોઈએ છીએ તે પણ લઈ શકો) નાખી ઉકાળવું.
૩) તેમાં ૮-૧૦ આખા મરી નાખી બરાબર ઉકાળવું.
૪) પછી ગેસ બંધ કરી ગરણીથી ગાળી લેવું. અને સુપ બનાવવા આ સ્ટોકનો ઉપયોગ કરવાથી સ્વાદ અને પૌષ્ટીકતામાં ઘણો વધારો થાય છે.