સૌ પ્રથમ કેરી લઇ તેના મીડીયમ (નાના)ટુકડા કરી અંદર ની ગોટલી કાઢી નાખો. પછી કેરીને ૨ વાર સાદા પાણી મા ધોઇ ૧ તપેલા મા કાઢી લો. તેમાં ૨ ચમચી હળદર તથા ૫ ચમચી મીઠું ઉમેરી મીકસ કરી લો.

પછી ૮/૧૦ કલાક માટે એ કેરી હળદર, મીઠા મા જ રહેવા દો. દર ૨ કલાકે ચમચા થી હલાવતા રહેવું,

પછી ૧૦૦ ગ્રામ આખી મેથી લઇ સાદા પાણી થી ધોઇ નાખો, તેમાં ૫ વાટકા જેટલું પાણી નાંખી ૬ /૭ કલાક પલાળી દો. ત્યાર બાદ તેમાં ૧ વાટકો ખાટુ પાણી નાંખી ૨ કલાક રહેવા દો. (જો આગળ નું ખાટુ પાણી ન હોય તો હળદર મીઠા વાળી કેરી ને ૮/૧૦ કલાક પછી કાઢીયે તયારે જે ખાટુ પાણી નીકળે એ નાંખી દેવાનું અને ૨ કલાક રાખવાની)

૮/૧૦ કલાક પછી કેરી માથી જે પાણી નીકળે એ કાઢી લઇ કેરી ના ટુકડા કોટન ના કપડા મા ૩/૪ કલાક સુકવી ને કોરા કરી લો.

પછી પલાળેલી મેથી માથી પણ પાણી કાઢી ૨-૩ કલાક માટે કોટન ના કપડા મા લઇ સુકવી દો.

પછી ૩૦૦ ગ્રામ શીંગ તેલ લઇ ધીમા ગેસ પર એકદમ ગરમ કરો. પછી ૧ બાઉલ મા કોરી કરેલી મેથી, ૫૦ ગ્રામ મેથી ના કુરીયા અને ૩૦ ગ્રામ રાઇ ના કુરીયા લઇ તેના પર હીંગ,હળદર, આખા મરી તથા મીઠું નાંખી ૧૦૦ ગ્રામ જેટલું ગરમ તેલ નાંખી વઘાર કરી લો.