કાજુનો મિક્સરમાં બારીક ભૂકો કરી લેવાનો. ઘીને ધીમા તાપે ગરમ કરવા મૂકી દેવાનું. મેસુબ ને રાખવા માટેના વાસણને પણ ગ્રીસ કરી દેવાનું.

એક નોનસ્ટીક પેન લઇ તેની અંદર ખાંડ,કાજુ,અને કોપરાનું છીણ, પાણી અને થોડું ગરમ કરેલું ઘી લઇ બધું મિક્સ કરી દેવાનું.

ઘી ને ગેસ પર ચાલુ કરી મૂકી દેવાનું. બધું બરાબર મિક્સ થઈ જાય એટલે ગેસ ચાલુ કરી દેવાનો. હવે આ મિશ્રણને સતત હલાવતા રહેવાનું હવે જે ઘી ગેસ ઉપર ગરમ કરવા મૂકેલું છે તે થોડી થોડી વારે એક એક ચમચો મિશ્રણમાં નાખતા જવાનું.

ધીરે ધીરે આ મિશ્રણ માંથી છુટું પડશે અને તેમાં જાળી થઈ જાયએટલે છેલ્લે બધું જ ઘી નાખી ગ્રીસ કરેલા વાસણમાં ઉથલાવી દેવાનું ત્યારબાદ ૩૦ મિનિટ માટે તેને ઢાંકીને મુકી રાખવાનું અને 30 મિનિટ પછી તેમાં ચપ્પુથી કાપા પાડી દેવાના.૪/૫ કલાક પછી કાપા પાડેલા મેસુબ ના પીસ કાઢી ડબ્બામાં ભરી લેવાના.