ટામેટાને ધોઈને તેના મોટા ટુકડા કરી લો. ઈલાયચી, મગજતરી ના બી, આખા કાશ્મીરી લાલ મરચા ને ધોઈને હૂંફાળા પાણીમાં એક કલાક માટે પલાળી રાખો. એક કડાઈમાં ટામેટા તજ લવિંગ મરી તમાલ પત્ર લીલા મરચાં અને કાજુને ગરમ કરવા મૂકો સાથે તેમાં એક મોટી ચમચી ઘી ઉમેરી ટામેટા ચડી જાય ત્યાં સુધી બધું ધીમા તાપે ઢાંકીને ચડવા દો.

હવે આને ઠંડું પડવા દો પછી એક મિક્સર જાતમાં આ મિશ્રણ ઉમેરો અને તેની સાથે પલાળેલા સૂકા લાલ કાશ્મીરી મરચા, બદામ,મગજતરીના બી અને ઇલાયચી પણ ઉમેરો અને બધાને એકદમ સ્મૂધ રીતે ક્રશ કરી લો પછી તૈયાર પેસ્ટને ચારણી ની મદદથી ગાળી લો.

હવે 200 ગ્રામ પનીર માંથી 100 ગ્રામ પનીરના નાના ચોરસ ટુકડા કરો અને બાકીના પનીરને ગાર્નીશિંગ માટે મનપસંદ શેપ ના ટુકડા કરો. આ બંને પ્રકારના પનીરના ટુકડા વારાફરથી તેલમાં આછા ગુલાબી રંગ ના તળી ઉપરથી મીઠું ભભરાવી લો.

એક કઢાઈમાં તેલ ગરમ મૂકી તેમાં તૈયાર કરેલ રેડ પ્યુરી ઉમેરી બેથી ત્રણ મિનિટ સાંતળો પછી. તેમાં કાશ્મીરી લાલ મરચું, ગરમ મસાલો, મીઠું, હળદર,ધાણાજીરું પાઉડર, કસૂરી મેથી ઉમેરી બરાબર મિક્સ કરો. તેમાં એક કપ જેટલું પાણી ઉમેરી ચારથી પાંચ મિનિટ ઉકાળી તળેલા પનીરના ટુકડા ઉમેરી લો અને બધું એકરસ થાય ત્યાં સુધી ધીમા તાપે કૂક કરો. છેલ્લે તેમાં ૨ ચમચી ફ્રેશ ક્રીમ ચપટી કસૂરી મેથી ઉમેરી બરાબર મિક્સ કરી લો

તૈયાર શાહી પનીર ને સર્વિંગ બાઉલમાં લઈ ઉપર થી સેલો ફ્રાય કરેલા પનીરના ટુકડા ફ્રેશ ક્રીમ,કસૂરી મેથી તથા કોથમીરથી ગાર્નિશ કરો.

તૈયાર સર્વ કરેલ છે.