સૌપ્રથમ એક કપ ઘઉંનો ઝીણો લોટ લેવો અને ૧ કપ ઘઉં નો કરકરો લોટ લેવો ત્યારબાદ તેને કથરોટમાં નાખી તેમાં તેલનું મોણ નાખવું ત્યારબાદ આ બધાને મિક્સ કરી થોડું થોડું પાણી નાખી ભાખરી જેવો થોડો કઠણ લોટ બાંધવો ત્યારબાદ તેમાંથી લુવા બનાવી ભાખરી વણવી ત્યારબાદ તેમાં નાના નાના કાણા પાડવા જેથી ભાખરી ફૂલે નહી

ત્યારબાદ બધી ભાખરી માં કાણા પાડી એક પેન કુકર ઉપર મૂકી તેમાં બટર લગાવી ભાખરી ચોડવવી

ત્યારબાદ ચાર સમારેલા ટામેટાં લેવા તેને ક્રશ કરી તેનો પલ્પ કાઢીને ગાળી લેવો ત્યારબાદ તેને ગેસ પર 10 મિનિટ ગરમ કરવું અને તેનો પીઝા સોસ બનાવો ત્યારબાદ તેમાં એક ચમચી મરી પાઉડર એક ચમચી પીસેલું લસણ એક ચમચી ઓરેગાનો એક ચમચી ચીલી ફ્લેક્સ નાખવા એક ચમચી મરચુ નાખવું પછી તેને બરાબર હલાવી પીઝા સોસ તૈયાર કરવો

ત્યારબાદ 1 ટમેટું ઝીણું સમારેલું બે મરચા ઝીણા સમારવા 1 ડુંગળી ઝીણી સમારવી બે ચમચી બાફેલી મકાઈ લેવી એક મોટું પેકેટ ચીઝ ક્યુબ લેવી ત્યારબાદ ભાખરી પીઝા ને એક ડીશમાં ગોઠવવા તેના પર બરાબર પીઝા સોસ લગાવો ત્યારબાદ તેના ઉપર ચીઝ ખમણી ને નાખવું પછી તેના ઉપર ટામેટાં મુકવા મરચાં ગોઠવવા ડુંગળી મૂકવી અને બાફેલી મકાઈ ગોઠવવી તેના ઉપર થોડો મરી પાઉડર ચીલી ફ્લેક્સ છાંટવા ત્યારબાદ તેને પેનમાં થોડીવાર માટે શેકવા જેથી ચીઝ ઓગળી ફેલાઈ જશે આમ આ બધી વસ્તુ થી ડેકોરેટ કરી ભાખરી પીઝા સર્વ કરવા