સૌપ્રથમ લાપસીને સાફ કરીને રાખવી. આશરે ૨ ગ્લાસ જેટલું પાણી ગરમ કરવા મૂકો.પછી એક કડાઈમાં અથવા કુકરમાં ઘી મૂકો.ઘી ગરમ થઈ જાય પછી તેમાં લાપસી, સુકુ ટોપરું અને સૂકી દ્રાક્ષ ઉમેરો અને ધીમા તાપે લાપસીને ગોલ્ડન બ્રાઉન કલર થાય અને સુગંધ આવે ત્યાં સુધી શેકવી.

લાપસી ધીમા તાપે પાંચથી સાત મિનિટ સુધી સતત હલાવતા રહેવું અને શેકવા દેવી. લાપસીનો કલર બ્રાઉન કલરનો થઈ જાય પછી તેમાં ગરમ કરેલું પાણી ઉમેરો અને સાથે સાથે તેમાં ખાંડ પણ ઉમેરો અને બરાબર હલાવી નાખો.

કૂકરમાં બે સીટી કર્યા પછી લાપસી બનીને તૈયાર છે.લાપસીને ગરમાગરમ પીરસો. જે થીખાવાની ખૂબ મજા આવશે. પીરસતી વખતે લાપસીમાં વરીયાળી, પીસ્તા બદામની કતરણ નાખીને સજાવો અને પીરસો.