સૌ પ્રથમ એક બાઉલ માં સમારેલો ગોળ અને દહી અને પાણી મિક્સ કરી લો. ગોળ ના ટુકડા ના રહે તે રીતે મિક્સ કરી લો.

હવે એક બાઉલમાં બાજરી નો લોટ ચાળી ને લો. હવે તેમાં હાથે થી ક્રશ કરીને અજમો, હળદર પાઉડર, લાલ મરચું પાઉડર, આદુ મરચાં લસણ ની પેસ્ટ, મીઠું સ્વાદ મુજબ, થોડા તલ, મોણ માટેનું તેલ ઉમેરી ને બરાબર મિક્સ કરી લો.

હવે લોટ માં ગોળ અને દહીં નું મીક્સ થોડું થોડું નાખીને લોટ બાંધી લો. બહુ કડક નહિ કે બહુ ઢીલો પણ નહિ તેવો બાંધવો.

હવે એક કડાઈ માં તેલ ગરમ કરવા મૂકો તેલ ગરમ થાય એટલે તેમાં બાંધેલા બાજરી ના લોટ માંથી થોડો લોટ લઈ તેલ વાળો હાથ કરી હાથેથી થેપી ને ગોળ ગોળ વડા બનાવો અને વડા ઉપર એક બાજુ તલ લગાવી ને થેપી લો. હવે વડા ને ગરમ તેલ માં નાખીને તળી લો બદામી થાય ત્યાં સુધી તળી લેવા.