સૌપ્રથમ એક બાઉલમાં ઘઉંનો જાડો લોટ લો. પછી તેમાં રવો અને બેસન એડ કરી હાથ વડે હલાવી લો. હવે તેમાં મોણ માટેનું થોડું તેલ ઉમેરો. પછી નવશેકું પાણી ઉમેરતા જવું અને કઠણ લોટ બાંધી લેવો.

હવે તેમાં એલચીનો ભૂકો અને જાયફળનો ભૂકો એડ કરી બરાબર મિક્સ કરવું. પછી તેમાં ડ્રાયફ્રૂટ્સ એડ કરવા.હવે આ લોટ ના મુઠીયા બનાવી લેવા. પછી આ મુઠીયાને કડાઈમાં ઘી મૂકી તળી લેવા.

પછી મિક્સર જારમાં મુઠીયા ને લઈ ઠંડા કરી ક્રશ કરી લેવા. ક્રશ કરેલા મુઠીયા ના ભૂકાને ચારણી વડે ચાળી લેવો. હવે પેનમાં ઘી ગરમ કરવા મુકો. જી થોડું ગરમ થાય એટલે તેમાં ગોળ ઉમેરી પાયો બનાવી લેવો.

બધું બરાબર મિક્સ કરી તેના નાના નાના લાડવા બનાવવા. પછી ખસખસ લગાવી ગણપતિ બાપા ના પ્રસાદમાં ધરો.