સૌ પ્રથમ પાલકને ચોખ્ખા પાણીથી ધોઈ કોરી કરી લો. હવે એક મીકસર જાર લઈ તેમાં પાલક સમારી મરચાને પણ બારીક સમારી સંચળ/મીઠું નાખી પેસ્ટ બનાવી લો

હવે એક બાઉલમાં ચણાનો લોટ લઈ તેમાં અજમો, સંચળ/મીઠું, પાલક મરચાની પેસ્ટ નાખી લોટ બાંધી લો.

એક કડાઈમાં તેલ ગરમ કરવા મૂકો. તેલ ગરમ થઈ જાય એટલે તેને થોડુ લોટમાં નાખી હલાવી લો. સંચાને તેલ થી ગ્રીસ કરી લો. તેમાં બનાવેલ લોટ ભરી સેવ પાડી લો.

સેવ સરસ ક્રિસ્પી થઈ જાય એટલે બહાર કાઢી લો. ઉપરથી ચાટ મસાલો કે સંચળ ભભરાવી લો. તો તૈયાર છે પાલક સેવ.