સૌપ્રથમ દાળ ચોખાને ધોઈ અને 15 મિનિટ માટે પલાળી રાખવા. ત્યારબાદ એક તપેલીમાં પાણી ઊકળવા મૂકવું અને તેમાં દાળ-ચોખા એડ કરો. આ દાળ ચોખા ૭૦ ટકા જેટલા કુક કરો. અને ત્યાર બાદ ચારણીમાં પાણી નીતારી લો. ઠંડા પડવા દો.

હવે એક પેનમાં તેલ અને ઘી ગરમ મૂકો. તેમાં લવિંગ, તજ, તમાલપત્ર નાખો. લવિંગ ક્રેક થાય એટલે તેમાં જીરુ, સૂકું લાલ મરચું લીમડી હિંગ નાખી અને સોતે કરો. હવે ડુંગળી અને આદુ મરચાં લસણ ની પેસ્ટ નાખી ત્રણથી ચાર મિનિટ માટે સાંતળો. હવે તેમાં પાલકની પ્યુરી, બાફેલા ગાજર, વટાણા એડ કરો.ધીમા ગેસ ઉપર રાખો અને તેમાં તમામ મસાલા એડ કરો. મિક્સ કરો. ત્યારબાદ બાફીને રાખેલા દાળ અને ચોખા તેમાં એડ કરો. ધીમા તાપે કુક થવા દો. પાંચથી સાત મિનિટ બાદ પાલક ખીચડી રેડી થઈ જશે. લીલા ધાણા નાખી દહીં તથા સલાડ સાથે સર્વ કરો.