સૌપ્રથમ બેસનમાં તેલ નાખી મિક્સ કરી લો.હવે લીંબુ નો રસ, મીઠું, હળદર, પાણી નાખી ખીરું તૈયાર કરો.૧૦ મિનિટ માટે ઢાંકીને મુકી રાખો.

હવે ઢોકળિયામાં પાણી નાખી ઉકાળવું.થાળીમાં તેલ લગાવી તેમાં ગરમ થવા મુકી દો.હવે ખીરામાં ઈનો નાખી,તેના ઉપર ૧ ચમચી પાણી નાખી બરાબર મિક્સ કરી લો.ગરમ કરવા મુકેલ થાળીમાં ખીરું નાખી દો.ફીટ ઢાંકીને ૧૦-૧૨ મિનિટ માટે ફાસ્ટ ગેસ પર મૂકી રાખો.ત્યારબાદ ખમણની થાળી ચેક કરી ઠંડી થવા દો.

ખમણના પીસ પાડી લેવા.હવે ખાંડ માં ૧/૪ કપ પાણી નાખી ઓગાળી આ પાણી ખમણ ઉપર ચારે બાજુ સ્પ્રેડ કરો.એક વઘારીયામાં તેલ ગરમ કરો.રાઈ,તલ, મરચાં, મીઠી લીમડી નો વઘાર કરી ખમણ ઉપર ચારે બાજુ સ્પ્રેડ કરો.તેની ઉપર કોપરાનું છીણ લીલા ધાણા છાંટી સર્વ કરો.