સૌ પ્રથમ કોબીજ અને બટાકા પાણીથી ધોઈ સમારી લો. હવે કડાઈમાં તેલ લઇ તેલ ગરમ થાય એટલે રાઈ,હિંગનો વઘાર કરી તેમાં સમારેલી કોબીજ, અને બટાકા નાખી હલાવી લો. પછી તેમાં મીઠું, હળદર નાખી ઉપર ડીશ ઢાંકી, ડીશ માં પાણી રેડી ધીમા તાપે ચડવા દો. વચ્ચે-વચ્ચે હલાવતા જાવ. આઠ દસ મિનિટમાં શાક ચડી જાય છે.

હવે શાક ચડી ગયું છે તેમાં ધાણાજીરૂ, ગરમ મસાલો, અને કાશ્મીરી લાલ મરચું પાઉડર નાખી હલાવીને બે મિનિટ થવા દો. હવે કોબીજ બટાકા નું શાક સરસ તૈયાર થઇ ગયું છે. ગેસ બંધ કરો.